ZAKINIU 30:3 - Sumi Naga CL (Re-edited) Bible (BSI)

³ tileno Ampeu nongu Lhou no angukümgha nongu tsüchile nani, eno Pa no apanagha shiyeqo dolo nongu hapuwuve keu amlo ighiqhiyive no sachile ighi nani.

BAIBEL (BSI)

³ tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

ZAKINIU 30:3 Iomraidhean Croise

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

BOTHUBO 48:21

Tithiu Israel no Joseph vilo pi, “Julo, ni ye thiveni cheae, ikemu Alhou no nongu gholo anani eno nongu sasü no puasü yeghi lo idewo nani.

YEKIKITHI ATUGHIU 16:35

Itaghi ishi pilo: “Ni xalu lo, O ni xakulupu Lhou, shiyeqo gholono ningu hekütsüpe khaqhiphe tsülo, tishianguno nino shikimthi keu pesü O je kimthe tsüni, eno O sheqhe O jekipipu shini.

NEHEMIA 1:9

Ikemu nongu no I lau tsüghü ighi no I zakütsüqo pelu aye, nongu dolo hapheve kemi no atsütsü shekha lo wuve aghi namu, tilauno I no panongu sachile ighi nani eno I je pesü tile apeniye kisheluve ke-a lo panongu hekütsüpe qhinani.’

JOB 42:10

Kughou Job no pa küsami ghenguno inikhutsü keno, AMPEU no pa ngukümgha tsüchileve. AMPEU no püzüu nguno ghuthu kinino vekighishe no Job kümghatsü.

LESHELE 107:3

akuaqha kütüta, kipelau eno kulolau, ahuu eno apeu no hekütsü saghi kemi no pilo.

LESHELE 147:2

Ampeu no Jerusalem shiqhe cheni; Pa no Israelmi hapheve kemi hekütsü cheni;

ISAIAH 27:12

Tipa tsala lo Ampeu no Euphrates ghoki lono Egypt ghokiti kutolo athi qhisü no amuu fule nani, eno lakhikhi no nongu Israelmi hekütsü kumqo nani.

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

ISAIAH 54:7

Atüqhüdo hami I no o qhiveke; ikemu shishe kimiyekini lono I no o sachilelu nani.

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

JEREMIYA 12:14

I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 31:10

“Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

AKUMLO 3:22

AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;

EZEKEL 11:17

Tighenguno pilo, ‘Ampeu Alhou no ishi piani: I no timiqo gholono nongu hekütsü nani eno aghakhu khipaqo lo nongu kutholeve puwuve keno tipaqo lono nongu kumqo nani, eno I no Israel yeghi pesü nongu tsü nani.’

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

EZEKEL 39:28

Tileno panongu no Ni ye Ampeu pano Lhou kepi ithi nani, kughengu I no panoqo pesü shiyeqo gholo akughushi puwuve eno tithiu no pano yeghi lo panoqo hekütsü kumqo ke. Ni ye shiyeqo gholo panongu lakhimu qhivemo nani.

MICAH 7:19

Pa ye itaghi ningu lau küpüqhiyi keu anani; Pa no ni xine nedave tsü nani. Nono ni xine kümtsü azüghi kutho lo vesüve tsü nani.

ZEKHARIA 10:9

I no shiyeqo gholo panongu hale puwuve namu putou ghakhu lono panongu no I kümsülu nani, eno pano tianuli sasü panongu no aküxü achili shi ideighi nani.

Rommi 11:23

Eno panoqo ghi, panongu no pülükümla lono ipeghive aye, Alhou ye kimekulupu küka ani keke panongu sawo kime kitheve tsü nani.

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

Rommi 11:31

panoqo ghi itehi hekibide lo akeu ye nongu tsükeu kimiyekini atho ithulu niye ke.

ZAKINIU 13:17

Kütsaveni keu nhemgha kiumu lumoni, tishikeu lono Ampeu no amloide moveno nongu kimiyeqhiyive nani, eno no puasüqo lau tushoqhi ketoi nongu kughuko tsü nani,

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.