ZAKINIU 30:10 - Sumi Naga CL (Re-edited) Bible (BSI)

¹⁰ Ikemu nongu ye Ampeu nongu Lhou gholu eno Ayezah Kaku hipau lo Pa zakütsü ngo akhuaye yepüa keqo papelo, eno nongu mlo eno angulho kuchopu pesü Pa lau ideighi lo.

BAIBEL (BSI)

¹⁰ Ikemu nonguye pa gholu mayesake eno pawu akukutsu kaku hipaulo ayezah yepe qhipuakeu kumtsu pelulo. Nonguye nongu mlo kuchopu pesu pa lau xaide ighimasake.

ZAKINIU 30:10 Iomraidhean Croise

NEHEMIA 1:9

Ikemu nongu no I lau tsüghü ighi no I zakütsüqo pelu aye, nongu dolo hapheve kemi no atsütsü shekha lo wuve aghi namu, tilauno I no panongu sachile ighi nani eno I je pesü tile apeniye kisheluve ke-a lo panongu hekütsüpe qhinani.’

EZEKEL 18:21

“Ikemu tsala kixikilami no pa no mlaitha chekeu xineqo lono tsüghü ighi no I yezah kümtsü pape eno kiu no achipi eno kuchou keno shi aye, pa ye mtsüqheino xü nani; pa ye thimo nani.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 33:14

Itaghi, I no kixikilau vilo, ‘No ye mtsüqheino thinani,’ ipi püaghi namu, pa no pa xine lono tsüghüve no kiu no achipi eno kuchou keno mla aye,

EZEKEL 33:19

Ikemu kughou kixikilami no paw kixikila lono tsüghüsü achipiu eno kuchou shini keno, pa ye hipau vecheo xülu nani.

ZEKHARIA 6:15

“Khunoqo putou acheni keno panongu no ighi no Ampeu chineki shiqhe nike kuphu nani. Aqokitikhi Mpeu no nongu lau I puwu kepi nongu no ithi nani. Eno nongu no amlo tsüqhiyi Ampeu no Lhou tsa gholu aye, hi ye shikupu nani.”

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

ZAKINIU 29:21

Ayezah kaku hipau lo müsüini keu kiqi lono Ampeu no Israel laghami kümtsü zülono pa ghimeni ke kichephe nani.

ZAKINIU 30:11

“Kughengu ishi tsala lo hi azakütsü I no nongu tsü akeu ye ighono kushokütsü momu tokümlapu kumoe.

ZAKINIU 30:2

nongu eno no tianuli no Ampeu lau ideighi no nongu mlo eno angulho kuchopu pesü hi ishi tsala lo I no azah nongu tsü akeu pelu aye,

ZAKINIU 30:8

Nongu no itaghi Pa gholu kithe eno ishi tsala lo I no azah tsü akeu kümtsü pelu nani.

ZAKINIU 4:29

Ikemu tilauno nongu no Ampeu nongu Lhou phu nani, eno nongu no amlo eno angulho kuchopu pesü Pa phu aye phulu nani.

ZAKINIU 6:5

O mlo kuchopu, o ngulho kuchopu, eno o kumto kuchopu pesü Ampeu o Lhou kimiye lo.