ZAKINIU 29:1 - Sumi Naga CL (Re-edited) Bible (BSI)

¹ Horeb lono Ampeu no Israelmi sasü puloshoqhi shikeu gholo itaghi Moab yeghi lono Ampeu no Moses azah tsüno panoqo sasü puloshoqhi shikithe.

BAIBEL (BSI)

¹ Muab yeghilo akelo AMPEU no Muse vilo ahza tsupuzu Israilmi sasu puloshoqhi tsa kiqi hipaqo shipenikeu shie; hipaqo kumtsu AMPEU no panoqo sasu Sinai Toghi lono puloshoqhi shikeu gholo kuphatsu keu ke.

ZAKINIU 29:1 Iomraidhean Croise

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

LESHELE 105:27

Pama no panoqo lau Paw amchipu pephe piye eno Ham yeghi lo akümzapuqo mlae.

JEREMIYA 11:2

“Puloshoqhi hipau tsa inilo, eno Judah ngo Jerusalem lo küxümiqo vilo pilo.

JEREMIYA 11:6

Ampeu no I vilo pi, “Atsa hi kümtsü pesü Judah lo mishighüna eno Jerusalem laghila lo sheshulo: Puloshoqhi hipau tsa chilu no papelo.

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

JEREMIYA 34:18

Timi khunono Iw puloshoqhi pepimive eno I zülo puloshoqhi beküthaqo pemoni keno I no panoqo pesü panongu no amshiti xapha kini shipe tipau mta lono wuke toi shitsü nani,

ACHINE 26:46

Pimheye, akhuaye eno ayezah hipaqo ye Sinai Toghi lono Moses vecheo Ampeu ngo Israelmi dolo mlakeu ke.

ACHINE 27:34

Azakütsü hipaqo ye Israelmi ghenguno Ampeu no Sinai Toghi lono Moses tsükeu ke.

Apostolmi 3:25

Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

ZAKINIU 1:1

Jordan kukuu asayeqha, ti ye Paran ngo Tophel, Laban, Hazeroth, eno Dizahab dolo Suph ghüngü lo Arabah lono Moses no Israelmi vilo pikeu tsake.

ZAKINIU 28:68

Nongu ye khilemu Egypt lo idewomo nanie pi I no tushoqhi püakeu Ampeu no zükilu lono Egypt lo nongu sachilewo nani; eno tilau nongu no nongu ampi pesü aqüaxemi shi aghümi vilo jesü nani, ikemu khunomu qhümo nani.”

ZAKINIU 29:12

Nongu ye Ampeu nongu Lhou sasü puloshoqhi shinike ishi hile puthugho ani,

ZAKINIU 29:2

Moses no Israelmi kümtsü kukütsü no pi, “Ampeu no nongu zülono Egypt lo Pharaoh ngo pa qemi eno pa ghakhu shou kiu shikeno ithuluvae.

ZAKINIU 29:21

Ayezah kaku hipau lo müsüini keu kiqi lono Ampeu no Israel laghami kümtsü zülono pa ghimeni ke kichephe nani.

ZAKINIU 29:25

Tileno timiqo no pi nani, ‘Ti ye panongu no Ampeu pano puasü Lhou no Egypt lono panoqo saipeghi kelono puloshoqhi shikeu panongu no pemove kehue,

ZAKINIU 4:10

Horeb lo nongu no Ampeu nongu Lhou zülo puthugho akelo kishi Ampeu no I vilo pi keno kümsülu lo, ‘Timiqo pelo pano küxü tivilo I sümsani keu shikalu penike I lau kukumqo lo, tishino panongu no pano tianuli ghi shika peni.’

ZAKINIU 4:13

Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

IBRIMI 8:9

ti ye pano puasü no Egypt yeghi lo akelo I no au no sünhe saipeke tsalani no panoqo sasü puloshoqhi shikeu toimo nani. Kughengu panongu no Iw puloshoqhi pulo move kehu I no panongu jukuto moveke, ipi Ampeu no sheshu.

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.