ZAKINIU 28:36 - Sumi Naga CL (Re-edited) Bible (BSI)

³⁶ “Ampeu no nongu eno no puasüqo no mthakeu ghakhu lo nongu eno no kükau hapuwuve nani. Tilauno nongu no asüatu lhouqo qeuve nani.

BAIBEL (BSI)

³⁶ “AMPEU no nongu eno nokukau sasu inaghami yeghilo, khile nongu na nopuasuqo pinamu xuju mphi keu-a-lo sawuve nani; tilau nonguye asuatuno shikeu lhouqo qeuve nani.

ZAKINIU 28:36 Iomraidhean Croise

KUKAMI AKINIU 25:11

Aphughi lo achili akeqo eno Babylon kükau lau pove kemi ngo aqokitikhi kümtsü kepten Nebuzaradan no hakiphi sawuve.

KUKAMI AKINIU 25:21

Babylon kükau no Hamath yeghi lo Riblah lono panongu pithive. Hitoi shi Judah ye pa yeghi lono hakiphi sawuve.

YEKIKITHI AKINIU 33:11

Tighenguno Ampeu no Assyria ghüshimi shou zatsümi pelo Judah levepe eno akuhoyi pesü Manasseh fuluve no alazayi kichhe no pa tshüpe Babylon lo wuvepe.

YEKIKITHI AKINIU 36:1

Aghakhumi no Josiah nu Jehoahaz kishepe Jerusalem lo akükau shivepe.

YEKIKITHI AKINIU 36:17

Tighenguno Ampeu no Chaldeami kükau pelo panoqo levepe eno panow apumiqo akimthea lono ghiqhive tsü, apumi na ilimi na kiteküsümi namu, khumu küpümoe. Ampeu no kümtsü pa u lo süvetsü.

YEKIKITHI AKINIU 36:20

Khunoqo azütakikihi lono pokalu keno, tipaqo kümtsü pa no hakiphi sawuve, eno Persia kükaqha ipeghi moke kutolo panongu pesü pa ngo pa nuli qemi shivepe.

YEKIKITHI AKINIU 36:6

Babylon kükau Nebuchadnezzar no pa sasü aghüshi eno ayikichhe no pa tshü sasü Babylon lo wuve.

ISAIAH 39:7

Eno o polo kughukomi khami ye tilau sawuve no shoko shi ghi Babylon kükau kükaki lo qhi nani.”

JEREMIYA 15:14

Nongu no mtha keu yeghi lo I no nongu pesü no ghümi qemi shiuvepe nani, kughengu I mlokighide ye ami toi iqü ani, ti ye alholo piti ache nani.”

JEREMIYA 16:13

Tighenguno I no ayeghi hipau lono no eno o puasüqo no mthakeu yeghi lo küza puwuveni, eno tilauno putho pucho nono kütau lhouqo huthu nani, kughengu Ni ye I pulou o piye moae.’

JEREMIYA 39:1

Judah kükau Zedekiah yepe mpe atokuu aqhi achighiu lo Nebuchadnezzar ngo paw ghüshimi kümtsü no Jerusalem leighi no khasü luve.

JEREMIYA 9:15

Tighenguno Israel Lhou, aqokitikhi MPEU no ishi piani: Julo, I no khumtsai keu chuqupu pesü timi hipaqo lojini, eno tüghü zü pesü panongu piyeni.

AKUMLO 2:9

Li khagho ye ayeghi lo ilovae; Pa no li khaduqo hechhevae; li kükau ngo sakiphemi ye shiye gholo ani, ayezah ye kühavae, eno liw tungkupmi no Ampeu launo kungunhetsü ithumlavae.

AKUMLO 4:20

Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.

EZEKEL 11:9

I no aghakhu lono nongu saipeghive nani, nongu ye inaghami u lo phesüve tsü nani, eno nongu shou küghakütha benani.

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

ZAKINIU 29:17

Panongu gholo aphikümqhüpu thime, asüatu julho, ghükayi eno ameshoyi julhoqo nongu no ithuluvae.

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.

ZAKINIU 4:28

Nongu no tilau timi u no asüatu pesü mlakeu lhouqo qe nani, alhou tipaqo ye ithulu, chilu, chulu, tsüngülu chemoe.

SAMUEL ATUGHIU 12:25

Ikemu nongu no itaghi küsakügha shi aye, nongu eno nongu kükau kümtsü joleve nani.”