ZAKINIU 28:22 - Sumi Naga CL (Re-edited) Bible (BSI)

²² Ampeu no kitixeküsü jeli, aghakimki, atsala külü, züha, akushu mülhü pesü tüxatini ghaqhive tsükeu vecheo nongu ghime nani. Nongu pithive moke kutolo hipaqo no nongu haqhi nani.

BAIBEL (BSI)

²² AMPEU no kitixe kusu, ingughuikeu eno aghakimki pesu nongu ghimeqhi nani, pano akulu eno pughaqhikeu mulhu pesu nowu tuxatini kutsaleve tsu nani. Kutsakungokeu hipaqoye nonguno thimoke kutolo tishi ananike.

ZAKINIU 28:22 Iomraidhean Croise

KUKAMI ATUGHIU 17:7

Ado hami thiu aghakhu lo tsüghu move kehu aghoki no qhaive.

KUKAMI ATUGHIU 8:37

“Aghakhu lo püqümiye, asagha, amülhü kushu no axabo fupithi, tülhaqu momu katsülanga ighi, momu pano ghümi no leighi no khagho khasü luve, momu püsa eno kiukiu küsü mu ighi aye,

YEKIKITHI AKINIU 6:28

“Tsala aghakhu lo püqümiye ighi momu asa-agha, amülhü kushu no axaboqo fupithi, momu tülhaqu, aninga, momu aghümi no pano phughi khagho lono khasü luve, momu püsa eno aküsü kiukiu ighimu,

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 16:4

Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

ACHINE 26:16

I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

AMUS 4:9

“I no amülhü kushu ngo akughumho pesü nongu tsü; nongu ghutu eno atsailu kutomo, now mubuthi eno olive süboqo ye tülhaqu no külhüve; ikeghi nongu ye I lau ideighi moe,” ipi Ampeu no pi.

HAGAYI 1:11

I no züha pesü ayeghi ngo atoghiqo shou pukuvae, athi, atsaizü kithe, thazü, ayeghi lono ipeghi chekeu, timi eno tüghashi, eno panongu kümla kümtsü shou pukuvae.”

HAGAYI 2:17

I no nongu eno nongu no aghimeshi mlaphe keqo kümtsü akhumu, akughumho eno mürasü pesü kütsave tsü, ikeghi nongu ye I lau ideighi moe, ipi Ampeu no asheshu.

HAGAYI 2:19

Ale lo itaghi athi aphi keshea? Mtsüqheino atsaibo, mububo, khaghatubo eno olivebo ye kiumu pithi move ke. Ikemu atsala hipau lono huthu no I no nongu kümghatsü nani.”

ZEKHARIA 14:12

Khuno shiaye no Jerusalem sasü aghü shini keno tipaqo lau püsa hipau ighi nani: panongu no puthugho apülaghi pano phiashi ye tsüle nani, pano nhethi no anhebo lono tsüle eno pano mili no akichi lono tsüle nani.

ZAKINIU 28:23

Nongu shou atsütsü no alazayi toive, eno nongu qhou ayeghi no ayi toive nani.

ZAKINIU 32:24

panongu ye akhüava no thinani, eno kitixeküsü ngo tüghükupu püsa no püghale nani; I no panongu lau tüghashiqo puwu nani, eno tüghükupu pighi puwu nani.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.