ZAKINIU 28:20 - Sumi Naga CL (Re-edited) Bible (BSI)

²⁰ “No kümla lhoksa eno Ampeu milive ke ghenguno, nongu kütsave eno püghave moke kutolo Ampeu no nongu kümla küghütha kümtsü lo müsüini, kübangü keu eno amlo shikümka keu süghitsü nani.

BAIBEL (BSI)

²⁰ “Nonguno alhoksa mla eno AMPEU milive aye pano kutsakungo keu, kubangu keu eno akupuna nonguno mla itha keu kumtsulo sughi tsu nani, tiye papashi eno qhoi nongu kutsale khavemoke kutolo tishi nani.

ZAKINIU 28:20 Iomraidhean Croise

JOB 24:18

“Panongu ye azü lono mthüthei yipe wuve cheni; ayeghi lo pano ki-alu saje ye ghushove no khunomu pano tsailu lo humove cheni.

LESHELE 7:11

Alhou ye amikucho xaküthau, Pa ye tsalakipe alhoksa shou axuide chekeu Lhou ke.

ISAIAH 28:19

Panongu no inaqhe atsütsü, puchou eno putho lo ika ighike kümtsü lo nongu küghape wuve nani; eno hipa tsape vethalu kelo thüghüi nani.

ISAIAH 30:17

Milakhi no kichi kelo qhethonhe no kuhapo; mipungu no kichi kelo kümtsü no kuhave nani, nongu ye naghuto lo michiphi sü toi, atoghi lo amchipu toi pülalaive nani.

ISAIAH 51:20

O nuli ye qeive no ikiqivae; ashe no alichhe lo mepe akeshi, panongu ye alaghila kümtsü lo ihozü ngo ani; panongu lolo Ampeu loghu eno Pa no sakiyi keu no chhitoivae.

ISAIAH 66:15

Julo, Ampeu ye ami lono ighi nani, eno Paw khurkulu ye amülhü fuchighi ketoi ighi nani, Pa loghu puku nani, eno ami mili lono Pa no sakiyi nani.

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

ACHINE 26:38

Nongu ye shiyeqo dolono pühave nani, eno no ghümi yeghi no nongu munove nani.

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

ZAKINIU 28:8

Ampeu no nongu biale kümghatsü eno no kümla küghütha kümtsü kümghatsü nani. Pa no nongu tsü akeu yeghi lo nongu kümghatsü nani.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

XAKUTHAMI 2:15

Ampeu no kütüghü eno tushoqhi püake toi kughou panongu no aghüshi lo wuni keno, Ampeu u no pano mjochile. Eno panongu ye aghime küsa shike.

SAMUEL ATUGHIU 14:20

Tishino Saul ngo pa gholo akemi kümtsü no aghüshiqa lo wuve. Ikelo Philistiami ye pano dolo azütakikihi no ghiqhikile aghive eno tile shishe kübangü aghi.