ZAKINIU 28:15 - Sumi Naga CL (Re-edited) Bible (BSI)

¹⁵ “Ikemu ishi tsala lo Ampeu nongu Lhou zakütsü eno akhuaye I no azah nongu tsü akeqo nongu no gholumo eno pape move aye, müsüini keu hi kümtsü nongu shou ikughi nani.

BAIBEL (BSI)

¹⁵ “Ikemu nonguno AMPEU Alhou hebide aye eno pano ahza tsukeu ngo ayezahqo ishi tsalalo ino tsuakeu nonguno amikucho shi pelumo aye alhoksa jeli hipaqo kumtsu nongu lau ikughi nani:

ZAKINIU 28:15 Iomraidhean Croise

BOTHUBO 3:14

Ampeu Alhou no apighi vilo pi, “Nono hipau shiveke ghenguno, tüghashi tikishi kümtsü nguno alau no ye müsüinivae, o pono kiyi ghi no ye itiwuni, eno o küxü kupuju no ye ayeghimkhu chuni.

BOTHUBO 4:11

Ikehu ayeghi khikhino o u lono pele keu o thiküzüu ji mighe luniye akichi xükho keno, tipau no itehi ye o müsüinivae.

BOTHUBO 4:12

Kughou nono ayeghi mlani keno, ti ye aghüma akeu qhemi athi pithi o tsümoae. No ye ayeghi lo kupokichemi eno kachena shiniae.”

YEKIKITHI AKINIU 12:5

Rehoboam ngo Judah lo sakiphemi no Shishak ghenguno Jerusalem lo hekütsüpe akelono tungkupu Shemaiah no ighi no panongu vilo pi, “Ampeu no ishi piani, ‘Nongu no I qhiveke ghenguno I no nongu pesü Shishak u lo süve tsüae.’”

YEKIKITHI AKINIU 34:24

Ampeu no ishi piani, Julo, I no a-a hipau lo eno xüküami lau kütsakungo süghini cheni, eno kaku hipau lo ghukusho tsa yepüa keqo kiu Judah kükau zülo phisüve akeno kümtsü shikupu nani.

YEKIKITHI AKINIU 7:19

“Ikemu nono tsüghüve no I zakütsü o tsü keqo hebide, eno kütau lhouqo huthu no mllauve aye,

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

JEREMIYA 11:8

Tishimu panongu no agholumo eno pano kinimu kughopuwo moe, ikemu kümtsü no pano mlo lhoksa lo kuthovi auve. I no panoqo pelo pelu penike azah tsü kemu panongu no pemo kehu puloshoqhi lo müsüini keu kümtsü panongu shou puku tsüe.”

JEREMIYA 26:4

Panongu vilo pilo, ‘Ampeu no ishi piani: Nongu no I tsa inimo, I no nongu zülo ayezah qhitsü keu papemo aye,

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

JEREMIYA 36:31

Panongu xine ghenguno I no pa eno pa tikughuko ngo pa qemiqo ghime nani. I no amhekiqi shupheve ketoi panongu shou eno Jerusalem ngo Judah lo timiqo shou süghi nani, ikemu panongu ye ini tsümo nani.’”

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

JEREMIYA 40:2

Kepten no Jeremiah saluve no pa vilo pi, “Ampeu no Lhou no a-a hipau shou amhekiqi shuphe ke.

AKUMLO 2:17

Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

HOSIYA 7:12

Panoqo no wuche kelono I khame pano shou vepukuni; kungu ghauqo toi I no panongu saiqighive nani; panongu no hekütsüpe akelono I no pano shikümzü nani.

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

ZAKINIU 11:28

ikemu nongu no Ampeu nongu Lhou zakütsü hebideve no ishi tsala lo I no azah nongu tsü akeu lono tsüghüsü nongu no mthakeu lhouqo lau wuve aye angusüpue.

ZAKINIU 28:2

Nongu no Ampeu nongu Lhou gholu aye kükümgha hi kümtsü nongu shou ikughi nani.

ZAKINIU 28:45

“Nongu no Ampeu nongu Lhou gholumo eno Pa zakütsü ngo akhuaye papemo kehu müsüini keu hi kümtsü nongu shou ighi nani, eno nongu kütsave moke kutolo nongu gholo anani.

ZAKINIU 29:19

Milakhi no hi puloshoqhi lo yepüa keu chilu no pa ampi kümghatsü ghi, ‘I no kuthovi ghi xüani kemu, ni ye sükusho qholo anie,’ ipi aghi aye, hitoi kemi ye akivimi eno alhoksami kümtsü aphiphishi joleve nani.

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

ZAKINIU 5:1

Moses no Israelmi kümtsü kukumqo no pi, “O Israel, ishi tsala lo I no akhuaye ngo pimheye nongu vilo pikeqo inilo, tipaqo shikalu no kutokughoi pelulo.

JOSHUA 23:15

Ikemu Pa no nongu ghenguno akivi piqhi keu kümtsü shikupu ketoi, Ampeu no nongu kütsakhave moke kutolo Pa no alhoksa kümtsü nongu shou puku nani,

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

XAKUTHAMI 2:15

Ampeu no kütüghü eno tushoqhi püake toi kughou panongu no aghüshi lo wuni keno, Ampeu u no pano mjochile. Eno panongu ye aghime küsa shike.

SAMUEL ATUGHIU 4:10

Ikehu Philistiami no mjochile, eno Israelmi ye tomlave, panongu ye pokhave, kümtsü pütüta kilo powove. Eno tile timi kutomo ghiqhi pithive, kughengu Israel ghüshimi 30,000 ikiqive.