ZAKINIU 28:12 - Sumi Naga CL (Re-edited) Bible (BSI)

¹² Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.

BAIBEL (BSI)

¹² Pano pawu kinikulushi kike puakeuki atsutsu lono atusho achipi lono tsutsughu piqitsu nani eno nongu kumla kumtsu kumghatsu nani, tishikeu lono nonguye ashiayeh kutomo punalu nani ikemu nonguye khuno launomu nalu kepu shimo nani.

ZAKINIU 28:12 Iomraidhean Croise

KUKAMI ATUGHIU 18:1

Atsala kutomo thiu ampe aküthüu lono Ampeu no Elijah vilo pi, “Ahab zülo wulo eno I no tsütsüghu puwu tsüni.”

JOB 38:22

“No ye mürasü pekütsü ke-a lo iloju, momu apüghü pekütsü cheke-a ithulu juama?

LESHELE 135:7

Pa no khüngküsü pelo ayeghi shekhau no ikughipe cheni, Pa no tsütsüpha mlake, eno amülhübo lhaphe cheni.

AHOLE 22:7

Kinimi no kumlhomi qhasü cheni, eno akünami ye pünatsü akemi qüaxemi ke.

EZEKEL 34:26

I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

ACHINE 26:4

I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.

ZAKINIU 11:14

Pa no nongu yeghi ghenguno atusho kiqi lono, tixi eno ghixu tsütsüghu tsü nani, tishianguno nongu no athi, atsaizü eno thazü ililai ithulu nani,

ZAKINIU 14:29

Aphughi lo Levimi ye pano mheghi küha kehu panongu eno kachenami, mighimi, eno chimemi pelo ighi no tipaqo chuno aghaqilu pelo, tishianguno Ampeu nongu Lhou no nongu kümla thokha kümghatsü nani.

ZAKINIU 15:10

Shonu shimono nibonilei pa tsülo, eno nongu lolo alhoksa kümsü mono tsülo, kughengu hi ghenguno Ampeu nongu Lhou no thokha lo nongu kümgha tsü nani.

ZAKINIU 15:6

Ampeu nongu Lhou no tushoqhi ketoi nongu kümgha tsü nani, nongu no shiye kutomo püna nani, ikemu nalumo nani; nongu no shiye kutomo shou ayepe nani ikemu khunomu nongu shou ayepemo nani.

ZAKINIU 23:20

Inaghami launo akighishe lulu nani, ikemu no thiküzümi lau ye akighishe lumoni, tishikeu lono Ampeu nongu Lhou no nongu no ngoniye akeu yeghi lo thokha nongu kümgha tsü nani.

ZAKINIU 28:24

Ampeu no nongu ghakhu lo tsütsüghu pesü amkhu shive tsü nani. Nongu pithive moke kutolo atsütsü lono ayeghimkhu ghuqhi nani.

ZAKINIU 28:44

Pano no nongu püna nani ikemu nongu ye pano püna kepu küha nani. Pano no akütsü shiuve nani eno nongu no ashomhi shi nani.