ZAKINIU 26:14 - Sumi Naga CL (Re-edited) Bible (BSI)

¹⁴ I no mloqa akelomu ni ye chighi saje chumoe, I no mithe move namu kiumu ikhilumoe, momu tipau lono ikhipe kithimi lau akümllagho tsümoe. Ni ye Ampeu I Lhou gholu eno Nono azah tsükeu kiqi lono thokha shivae.

BAIBEL (BSI)

¹⁴ Ino mloqa akelo niye tipau kiumu chupuamoe; ino achinepulo mithemono akelo tipau lono kiumu ikhi pesu iki lono halau ipemoke; eno tipau lono kiumu ikhi pesu kithimi ghenguno akumllagho tsupe puamoe. Niye aghokulu shike, O AMPEU; nono chighi saje ghenguno ahza tsukeu thwokha kumtsu ino shipuani ke.

ZAKINIU 26:14 Iomraidhean Croise

LESHELE 106:28

Tithiu panongu no Peor lo Baal sasü kuokhasü lakhi shive, eno kithimi lau aghakishi mllave keu chusho;

LESHELE 18:22

Kughengu Paw pimheye kümtsü I zülo ani, eno Pa khuaye I no phevemoe.

JEREMIYA 16:7

Khunomu asho süwo kithimi ghenguno mlo akemi lokughuno tsümo nani, pa puaza laumu alokughuno tsünike azü piyemo nani.

EZEKEL 24:17

Amloghime tuthu shelo, ikemu asütsa kuloghi lono shephe kevilo; akithi ghenguno akumlo shikevilo. O kütsü küküzüphi khapu luvelo, eno o pukhukuqho xapu lulo; o kichi küzü kevi momu timi shopa chukevilo.”

HOSIYA 9:4

Panongu no Ampeu lau atsaiji kümllagho tsümo nani, eno pano ghakishi ye Pa lopiqi tsümla nani. Ti ye mloqa akemi sho toi, tipau chukemi kümtsü kitiqeve nani; kughengu pano sho ye panongu müzü ghengu likhino ke; tipau ye Ampeu kilo peighimo nani.

ACHINE 21:1

Ampeu no Moses vilo pi, “Aaron nuli achinemi vilo pilo: Achinemi khumu abolomi, aza, apu, apuanga, athiküzüu, momu achepu athathe (külaumo no pa gholo akeu) thive kelono kumo aye akumo buve no mithe move keu shimoni.

ACHINE 21:11

Pa ye pa puaza shiaghi namu akumo akeu kilo ilo no mithe move keu shimoni.

ACHINE 7:20

ikemu timi khuu no mithekumo xapu apülaghi AMPEUw külakishi kümllagho ghakishi shi chuni keno, pa ye paw timiqo launo kütüta shiveni.

MALAKI 2:13

Thime akiniu hipau nongu no shi ani. Nongu no ighamku eno qakeu nhezü kipiji vecheo Ampeu kümlla khache pütsü cheni, kughengu Pa no nongu kümllagho kihi tsüamo momu nongu u lono kimiyeqhiyi ti ikhilutsü amovae.

ZAKINIU 13:5

Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

ZAKINIU 15:5

Nongu no tsaqüi Pa gholu eno ishi tsala lo I no azah nongu tsü akeu kümtsü kutokupui pelu aye,

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 26:13

Ampeu nongu Lhou zülono ishi pini, ‘Ni ye akimthe saje I ki lono ikhiphevae, eno Nono azah I tsüke toi ti pesü Levimi, kachenami, mighimi, eno chimemi tsüvae. Ni ye O yezah lakhimu hebidemo momu kümsümave moe.

ZAKINIU 26:15

Kungugha lo O kimthe-a lono jupiqi no Ow timi Israelmi, eno Nono ni puasüqo lau piqhike toi ni tsükeu hi akichhizü ngo akhingozü qowu akeu yeghi kümgha tsülo.’