ZAKINIU 20:3 - Sumi Naga CL (Re-edited) Bible (BSI)

³ ‘Inilo, O Israel, ishi tsala lo nongu ye aghümi sasü küpüghü nike cheni, amlo loti kevilo. Msa kevi, amlo hauve kevi momu pano jukichive kevilo,

BAIBEL (BSI)

³ ‘Israil lo timiqo, inilo! Ishi tsalalo nonguye aghu shini chenike noghumiqo jumsa kevilo momu amlo loti kevilo momu izuichoive kevilo.

ZAKINIU 20:3 Iomraidhean Croise

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

JOB 23:16

Alhou no I mlo shipühave tsüae, Akughushuu no I kichiqhivae;

LESHELE 3:6

Timi qhethonhe no I sühope I lachile akeqo ni ye msamo nani.

IPEKULU 14:13

Moses no timiqo vilo pi, “Msa kevilo, mtotoi puthugho lo, eno Ampeuw xakulu, khikhi Pa no nongu ghenguno ishi tsala lo mla nani keno ti julo. Kughengu Egyptmi khunoqo nongu no ishi ithulu ani keno, nongu ye panoqo khilemu ithulu kithemae.

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

ISAIAH 7:4

Eno pa vilo pilo, ‘Kutokupui eno inaqhoi shilo, msa kevi, eno amsü miche ilhouve keu Syriami Rezin ngo Remaliah nu hupama xukighide ghenguno o mlo hauve kevilo.

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 10:31

Tighenguno msa kevilo, nongu ye aghau kümtsü nguno ameküapu ke.

MATTHEW 8:26

Pa no panoqo vilo pi, “O nongu aküpülü kitila likhi keqo, kushiye nongu ye msa ani kea?” Tishino pa no ithu amülhü ngo azüghi lomipi, tipa mtsa shishe iqünheive.

Mark 16:18

panongu no au lono tüghükupu pighi ikhiqhelu momu akithipu tüghü yelu namu panongu shipüsamla nani; panongu no küsükinimi shou au bekelo tipaqo no viluve nani.”

Mark 16:6

Pa no pi, “Akichiqhi kevilo, Nazarethmi Jisü khuu kros lo yeda pithive keno, nongu no phuche keu ye xüthughivae. Pa ye hile kühae! A-a khile pa qhipüa keno julo.

Apostolmi 27:24

eno pi, ‘Msa kevilo, Paul, no ye Caesar zülo puthugho masae. Julo, Alhou no zükilu lo o gholo kichemi kümtsü o tsüvae.’

ZAKINIU 1:21

Ampeu ni Lhou no nongu zülo ayeghi ikhiphetsü ani. Ampeu nongu puasü Lhou no nongu vilo pike toi wuno now shilulo. Msa kevi momu alomtshü kevilo.’

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZAKINIU 20:2

Nongu no aghüshiqa kupunuve kelo, achineu no azüu ighi no ghüshimi vilo ishi pini,

1 Thes. 5:15

Khumu khuu lau alhoksa pesü alhoksa lochile pemoni ke jukutolo, ikemu alhokuthu lakhino lakhi lau eno kümtsü lau akivi kümla shinike phulo.

1 Tim. 6:12

Akivishi aküpülü ghüshi shilo. Lhokta küxü tsüqülu lo, thopimi kutomo zülono nono mtsüqhei piphe püakeu, o kulu keu kimji ye tike.

IBRIMI 13:6

Ikehu ningu ye amlo kumtoshi pilu nani, “Ampeu ye I kukuphuu; Ni ye msavemo nani; Timi no I lau kiu shiluni kea?”

JOSHUA 23:10

Nongu dolo milakhi no timi qhethonhe haleve, kughengu piqhi püake toi Ampeu Alhou no nongu ghenguno aghüshi tsüke.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

SAMUEL ATUGHIU 17:32

David no Saul vilo pi, “Pa ghenguno timi khumu amlo save kevilo. O qeu no wuni eno Philistiami hipau sasü kichighini.”