ZAKINIU 20:19 - Sumi Naga CL (Re-edited) Bible (BSI)

¹⁹ “Nongu no mishighüna lakhi sasü aghüshi no ado kushuo tipau khasü kepu shive namu amüghü pesü tile axathiboqo yeqhi moni. Axathiqo chulo ikemu abo yeqhi moni. Asüboqo ye timi kesheno nongu ye tipaqo khasü masa keshea?

BAIBEL (BSI)

¹⁹ “Nonguno aphughi lakhi lelu nike pukaputsa kelo ado kushuwa tipau khasupesu auve kepu shie pinamu tipaulo axathiboqo yeqhi kevilo. Axathi chulo ikemu axathibo shipsa kevilo; asuboye noghumi kumoke.

ZAKINIU 20:19 Iomraidhean Croise

KUKAMI AKINIU 3:19

eno nongu no aliwo kumto mishighüna ngo mishighüna kivi kümtsü leluve nani, asübo kivi kümtsü yeqhilu khave nani, azüpuki kümtsü mike luve nani, eno ayeghi kivi kümtsü atu pesü chhitoi ghesüpe qhivetsü nani.”

KUKAMI AKINIU 3:25

Panongu no mishighünaqo kütsave tsü, eno timi kümtsü pütüta müzülo atu pesü ayeghi kivi kümtsü lo vesüpe chhitoive tsü; panongu no azüpuki kümtsü mikeve tsü, asübo kivi kümtsü yeqhive tsü, eno ashekha loye Kir-hareseth lo atu likhive, tighi hevüla kighi kipemi no homxape leluve.

JEREMIYA 6:6

Kughengu aqokitikhi MPEU no ishi piani: “Jerusalem khasüni ke asüboqo yeqhi no li homxa amoqhe pukulo. Mishighüna hipau ghime masae; li lolo timi qhasü keu nguno alau kütau kiumu kühae.

MATTHEW 21:19

Alaghi phivilo mububo ithulu kehu pa no wu kemu tile anipa likhi thono kiumu küha. Ikehu pa no asübo vilo pi, “No ye khilemu athi pithi pemoniu!” Paikhavi mububo no thizümüive.

MATTHEW 3:10

Itehi mu amüghü ye asübo philo qhipüani, eno axathi kivi pithimo keu sübo ye yeqhipe ami lo vesüve nani.

ZAKINIU 20:18

tishikeu lono panongu no pano lhouqo lau aphikümqhüpu khuaye shiche keqo nongu shikamo nani, eno nongu pelo Ampeu lau axine shipemo nani.

ZAKINIU 20:20

Nongu no axathi sübo kumo kepi ithi akeqo likhi yeqhipe aphughi lelu moke kutolo akala ghepukulu kepushi peitha lo.

ZAKINIU 26:6

Egyptmi no ningu kijipüsa eno jukünatha no anguka shi ningu pelo mlape.