ZAKINIU 2:7 - Sumi Naga CL (Re-edited) Bible (BSI)

⁷ Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

BAIBEL (BSI)

⁷ “AMPEU nongu Lhou no nonguno mlakeu thwokhalo kishi nongu kumghatsu keno kumsuchilelulo. Nonguno asayeqha hipapahi vechesu itsusu wuchekelo pano nongu tucho hijuke. Paye hi ampe lhobidi nongu gholo aighiveake eno nonguye nonguno avehupu shikeu kumtsu ithuluke.

ZAKINIU 2:7 Iomraidhean Croise

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 24:35

Ampeu no shishe I mpeu kümghatsü, eno pa ye kije shivae. Atsü-aqu, ghükayi ngo ameshoyi, aqemi kiptimi ngo totimi, sayeshi ngo khurhaqo ishi Ampeu no pa tsüe.

BOTHUBO 26:12

Isaac no tipa yeghi lo apiti qüsü eno tipa mpe lo ghile ghuthu aqhe no küghüsü ithulu. Ampeu no pa kümghatsüe,

BOTHUBO 30:27

Ikemu Laban no pa vilo pi, “Tsala nono I küpüqhiyi ithulu aghi aye, I no saqhisali lono ithivae, ti ye o ghenguno Ampeu no I kümghave tsüae.

BOTHUBO 39:3

Ampeu no pa gholo akeu eno pa u no mlakeu kümtsü lo tokulu shikeu pa mpeu no ithive.

BOTHUBO 39:5

Pa no pa pelo pa kibo eno pa no pighi akeu kümtsü shou jukükütsüu shivepe ke ghuloki lono, Ampeu no Joseph ghenguno Egyptmi kibo hu kümghatsü; Ampeuw kükümgha ye aki lo, aluza lo, eno pa no mla keu kümtsü lo ae.

NEHEMIA 9:21

Nono asayeqha lo ampe lhobidi panongu püxüpe qhi, eno panongu ye kiumu püqümoe. Pano phimini ye aqa shivemoe eno pano pukhu ye inguuve moe.

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

LESHELE 107:4

Khami ye asayeli lo itsüsü küghünalu kepu mishighüna laghi kiumu phulu moe;

LESHELE 31:7

Ow iqemokeu kikimiye lo ni ye alokivi eno amlokiqi shi nani, kughengu Nono I kijiküsa ithuluvae; Nono I ngulho ghime kitikhi ithi ani,

LESHELE 90:17

Ampeu ni Lhou mlokiqi no ni shou apelo, ni kümla lo tokulupu ni tsülo; iyei, ni kümla lo tokulupu ni tsülo!

IPEKULU 16:35

Israelmi no akütsashi ngolu kepu-a tomoke dolo panongu ye ampe lhobidi manna chuche. Canaan yeghi lughi tolu moke kutolo panongu ye manna chue.

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

HOSIYA 13:5

Asayeqha eno züha yeghi lono no ithikeu ye I no ke;

AMUS 2:10

Egypt yeghi lono nongu saipeghi keu hughi I noe eno Amorimi yeghi pesü tsüniye ampe lhobidi asayeqha lo nongu sacheke.

AKIKIHI 1:1

Israelmi no Egypt lono ipeghi kethiu ampe akiniu, aqhi akiniu lo atsala atüghüni Sinai sayeqha lo Ampeu no kuposhukulu Phiki lono Moses pütsa no pi,

AKIKIHI 14:33

No tianuliqo no asayeqha lo ampe lhobidi itsüche nani, eno no mikuchokumo ghenguno nongu kümtsü asayeqha lono thikhave moke kutolo panonguu no ime anani.

AKIKIHI 14:34

Nongu no atsala lhobidi lono ayeghi puju ketoi atsala lakhi no ampe lakhi kiqi shino nongu ye ampe lhobidi no xine makho xapu niae, tileno nongu no I mlokiqi kumo ithi nani.’

AKIKIHI 22:12

Alhou no Balaam vilo pi, “Timi hipaqo gholo wu kevilo eno no ye timi hupaqo müsüini kevilo kughengu panongu ye kükümgha timiqo ke.”

AKIKIHI 32:13

Ampeu no timiqo shou amloideve no Pa zülo axine shive keu tiqhelimi no thikhave moke kutolo panoqo pelo asayeqha lo ampe lhobidi itsü chewuve peke.

Luke 22:35

Jisü no panongu vilo pi, “Püzüu I no pisabo, süqhu, apukhuqho, nongu pelo pemono wupe kelo, nongu ye kiuala püqüveo?” Panongu no pi, “Kiumu tishimoe.”

John 10:27

I mbeqo no I sütsa chilu cheni, I no panoqo ithi eno panongu no I pape cheni.

ZAKINIU 1:19

“Tishino Ampeu ni Lhou zakütsü kiqi lono, ningu no Horeb lono chesü Amorimi ato yeghi lo wucheke laghi lo kümsapu sayeqha nongu no ithulu keu kathasü wuno Kadesh-barnea lo ighie.

ZAKINIU 1:46

Ikehu nongu no Kadesh lo ado kushuo ngove.

ZAKINIU 2:14

Ningu no Kadesh-barnea qhive no Zered ghoki kathake kutolo ampe shighi-tache luve, eno Ampeu no tushoqhi ketoi, tipa tiqhelimi aghükishimi kümtsü thikhave.

ZAKINIU 2:6

Nongu ye pano launo chusho kepu achuqupu ngo azü qhümasa nani.

ZAKINIU 29:4

Ikemu ishi kutolo Ampeu no vethalu kepu mlo, anhethi eno akini nongu tsümoe.

ZAKINIU 29:5

I no asayeqha lo ampe lhobidi nongu sasü ighivae, ikemu nongu phimini ngo apukhuqho ye puxüve mphie.

JOSHUA 5:6

Kughengu Israelmi no ampe 40 asayeqha lo cheke lono Egypt lono ipeghi kemi shiye kümtsü eno aghükishimi kümtsü püghave ke, ti ye panongu no Ampeu tsa pemove ke ghenguno ke; tileno Ampeu no akichhizü ngo akhingozü no qole akeu yeghi, ningu tsüni kepi pano puasüqo lau tushoqhi püakeu hu, Ampeu no panongu pelo khilemu ithulu pemoe pi ashoqhi shive.