ZAKINIU 18:9 - Sumi Naga CL (Re-edited) Bible (BSI)

⁹ “Ampeu nongu Lhou no tsü akeu yeghi lo nongu no iloghive kelo, nongu ye shiye tile akeqo no aphikümqhüpu kümla shiche keqo pape moni.

BAIBEL (BSI)

⁹ “AMPEU Alhou no tsuakeu yeghilo nonguno iloghiluve kelo ashiayeh kutami tilehi akeqono nuqhunighulai keu ghili pimhe chekeu pape kevilo.

ZAKINIU 18:9 Iomraidhean Croise

KUKAMI AKINIU 17:11

eno Ampeu no pano zülono sawuve keu shiyeqo no shicheke toi, qhemghaike-a lono akümllagho tsüno Ampeu mlo shikighide tsüe.

KUKAMI AKINIU 17:8

eno Ampeu no shiye panongu zülono haphe keqo khuaye pape, eno Israel kükami no shiche keu khuaye papeve kehue.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

JEREMIYA 10:2

Ampeu no ishi piani: “Shiyeqo laghi pape kevilo, momu atsütsü lo amchipuqo jupe thüghüi kevilo kughengu shiyeqo ye tipaqo no shithüghüi ani,

ACHINE 18:30

Tighenguno I no azah tsükeu gholulo eno nongu züu timi khunono aghakhu lo ache keno tipaqow aphikümqhüpu ghushoghili pape kevilo, eno tikithipu shikeu lono nongu ampi shikitiqe kevilo; Ni ye nongu Lhou Ampeu ke.”

ZAKINIU 20:18

tishikeu lono panongu no pano lhouqo lau aphikümqhüpu khuaye shiche keqo nongu shikamo nani, eno nongu pelo Ampeu lau axine shipemo nani.

ZAKINIU 9:4

“Ampeu nongu Lhou no nongu zülono panoqo hapheve kethiu, nongu mlo lono, ‘I mikucho ghenguno Ampeu no I sasü ayeghi hipau pükhalu peke,’ ipi kevilo. Kuchou loye shiye hipaqo kixikila ghenguno Ampeu no nongu zülono panongu hapheve anike.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.