ZAKINIU 18:22 - Sumi Naga CL (Re-edited) Bible (BSI)

²² tungkupu lakhi no Ampeu je lono pi kelo, tino shikupu move aye, ti ye Ampeu no pikeu tsa kumoe; tungkupu huye kümsükuju lono pivae. Ikehu nongu ye pa msa kevilo.

BAIBEL (BSI)

²² Tungkupmi lakhino AMPEU jelono piaghi aye eno pano kiu pikeno tipauno kuchou shi aghimo aye tiye AMPEU launo ighikeu tsape kumoke. Tungkupu tipauye pa likhi pano kumsulu keu lono pive ake eno nonguye pa musa kepu kumoke.”

ZAKINIU 18:22 Iomraidhean Croise

KUKAMI ATUGHIU 22:28

Micaiah no pi, “Nono akivishi ideighilu aye, Ampeu ye I pütsa püamoe.” Eno pa no pi, “Nongu kümtsü hi inilo!”

KUKAMI AKINIU 20:1

Tipa ghuloki lo Hezekiah ye süuve eno thiveni keshive. Tileno Amoz nu tungkupu Isaiah no pa lau ighi no pi, “Ampeu no ishi piani, ‘Kutokughoi luvelo, kughengu no ye thive niae; no ye vilumo nani.’”

AHOLE 26:2

Tüghashoqhi momu akhalu no a-a shimono yeche ketoi akiqi kühano ghusho keu ye aphi lo ikughimo nani.

ISAIAH 41:22

Panongu pelo süghi pelo eno kiu shiniye ani keno ni vilo piju pelo. Ni vilo wovekeu lo panongu ye kiutoi keno piju pelo, tishianguno ningu no panoqo ikhiluni, eno hithiu kishive nani keno ningu no ithinie; momu ni vilo ighinikeu vehu pilo.

JONAH 3:4

Jonah no tile ilo atsala lakhi lache lo wuve, eno pi, “Atsala lhobidi thiu Nineveh ye kütsaleve nani!”

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

ZEKHARIA 2:13

Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

ZAKINIU 18:20

Ikemu tungkupmi khuu no I zakütsü lono kumono I je lono pini momu alhou kütauqo je lono pini keno pa ye thinani.

ZAKINIU 18:21

Nongu mlo lono, ‘Ningu ye kishino Ampeu ye pi püamoe pi ithini kea?’ ipi kümsü aghi aye,

SAMUEL ATUGHIU 3:19

Samuel ye thuwuve eno Ampeu no pa gholo ae eno pa tsa lakhimu adou shive tsümoe.