ZAKINIU 18:18 - Sumi Naga CL (Re-edited) Bible (BSI)

¹⁸ I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.

BAIBEL (BSI)

¹⁸ Ino panoqo lau otoikeu tungkupu lakhi notimi gholono ipeghipe nani; kiu pikepu keno ino pa vilo pinani eno pano timiqo vilo ino ahza tsukeu thwokha pitsu nani.

ZAKINIU 18:18 Iomraidhean Croise

LESHELE 110:4

Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

LESHELE 2:6

“I kimthe toghi Zion lo I no I ghenguno Akükau süsüvae.”

IPEKULU 4:12

Tighenguno itehi wulo, eno I no o gholo shino nono kiu pikepu keno o shika nanie.”

IPEKULU 4:15

Nono pa pütsa no pa kichi lo atsa sütsülo, I no o gholo eno pa gholo anani eno kiu shikepu keno I no nokujo shika nani.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

ISAIAH 51:16

I no atsütsü xakhope qhi, eno ayeghi boqha qhake, o kichi lo I tsa sütsü eno I u pesü o khonha eno Zion vilo pi, ‘Nongu ye Iw timiqo ke.’”

ISAIAH 51:4

“Iw timiqo, tsaqüi I tsa inilo, Iw shiyeqo, akini kugho puwolo; kughengu azah lakhi I launo ipe nani, eno I no achipiu pesü timiqo ghenguno aküvü shitsü nani.

JEREMIYA 1:9

Tishino Ampeu no Pa u pesü I kichi butsü eno I vilo pi, “Julo, I no I tsa pesü o kichi lo süve tsüae.

HOSIYA 12:14

Ikemu Ephraim no mijimlai Pa xukuthoe; ikehu aji peleve keu makho pa Mpeu no pa shou benani eno paw küthakügha kümla ghenguno pa tsüchile nani.

AMUS 2:11

Nongu nuli khami tungkupu shi peniye I no saputhu, eno apumi khami no Nazirmi shi peniye saputhuke. Tishike kumo, O Israelmi?” ipi Ampeu no shuphe.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

AKIKIHI 12:13

Ikehu Moses no Ampeu lau ighamku pi, “O Alhou, kimiyeno li shipivi tsülo, kimiye tsülo.”

AKIKIHI 23:16

Ampeu no Balaam sasü kusho no kiu pikepu keno pive no ishi pi, “Balak lau idewo no hitoi pilo.”

AKIKIHI 23:5

Ampeu no kiu pikepu keno Balaam vilo pive eno ishi azah tsü, “Balak lau idewo no hitoi pilo.”

Luke 24:19

Pa no pi, “Kiu kea?” Pama no khochile, “Nazarethmi lakhi khuu tungkupmi shi ache keno Alhou eno timiqo zülo akümla atsapi lo aküka kumto pephe chekeu Jisü vehu pi anike.

John 1:21

“Imaye no ye khuu kea? Elijah keshea?” ipi panongu no ighiju. Pa no pi. “Ni ye kumoe.” “No ye Tungkupu hu keshea?” pa no pi, “Moe.”

John 1:25

Panongu no John ighiju, “Nono Khristo mu kumo, Elijah momu Tungkupu mu kumo aye, no ye kushiye baptiz shicheni kea?”

John 1:45

Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 12:48

I milive no I tsa ikhilumo keqo ghengu ye küghaküthau lakhi ani; I no pive keu tsa no ashekha tsala lo pa shou küghathabe nani.

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

John 17:18

Nono ayeghiqha lo I puwu ketoi, ni ghi ayeghiqha lo panoqo puwuvae.

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

John 4:25

Totimi huno Jisü vilo pi, “Messiah (khuu Khristo ipi cheni keno) ighi nani kepi I no ithi ani. Kughou pa no ighini keno pa no thokha ni vilo pi nani.”

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

Apostolmi 3:22

Moses no pivae, ‘Ampeu Alhou no nongu ghenguno tungkupu lakhi I toike nongu thiküzümi gholono ipipe nani. Pa no kiu kiu pimu nongu ye pa tsa ini masae.

Apostolmi 7:37

Moses hipau no Israelmi vilo pike, ‘Alhou no nongu ghenguno no thiküzümi dolo tungkupu I toikeu ipeghipe nani.’

ZAKINIU 18:15

“Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

ZAKINIU 33:5

Ikehu alagha lo sakiphemi eno Israelmi kümtsü no kumqope akelono Ampeu no Jeshurun shou akükau shive.

ZAKINIU 34:10

Israel lo Moses toike tungkupmi khilemu ipeghi mphi, kughengu pa ye Ampeu sasü agi kinheqhe no küptsa cheke.

ZAKINIU 5:5

Ni ye tipa ghuloki lo nongu eno Ampeu dolo puthugho no Pa no kiu pi keno nongu vilo pie. Kughengu nongu ye ami msa kelauno naghuto lo iqhomoe. Ampeu no pi,

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

IBRIMI 7:22

Hi no Jisü pesü puloshoqhi akiviu pepimhe kütsüu shipe ke.