ZAKINIU 18:15 - Sumi Naga CL (Re-edited) Bible (BSI)

¹⁵ “Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

BAIBEL (BSI)

¹⁵ Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.

ZAKINIU 18:15 Iomraidhean Croise

HOSIYA 12:14

Ikemu Ephraim no mijimlai Pa xukuthoe; ikehu aji peleve keu makho pa Mpeu no pa shou benani eno paw küthakügha kümla ghenguno pa tsüchile nani.

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 21:11

Eno aqokitikhi no khochile, “Hi ye Galilee lo Nazareth lono ighikeu tungkupu Jisü huke.”

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

Luke 24:19

Pa no pi, “Kiu kea?” Pama no khochile, “Nazarethmi lakhi khuu tungkupmi shi ache keno Alhou eno timiqo zülo akümla atsapi lo aküka kumto pephe chekeu Jisü vehu pi anike.

Luke 7:16

Timi kümtsü no msaighüve eno Alhou sheqhe thuve, “Ningu gholo tungkupu kije ipeghivae!” eno, “Alhou no Paw timiqo xalu nike xuju ighivae!”

Luke 9:35

Tileno asütsa lakhi khüngküsü lono ipeghi, “Hi ye Iw kishekipheu, I Nue; Pa tsa inilo!”

John 1:21

“Imaye no ye khuu kea? Elijah keshea?” ipi panongu no ighiju. Pa no pi. “Ni ye kumoe.” “No ye Tungkupu hu keshea?” pa no pi, “Moe.”

John 1:25

Panongu no John ighiju, “Nono Khristo mu kumo, Elijah momu Tungkupu mu kumo aye, no ye kushiye baptiz shicheni kea?”

John 1:45

Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 4:19

Totimi huno pa vilo pi, “Akijeu, I no kümsüju kelo no ye tungkupue.

John 6:29

Jisü no khochile, “Pa no khuu puwu keno, nongu no pa pülü luvelo, hi no Alhou kümla ke.”

John 9:17

Ikehu panongu no anhethi kighicheu vilo iniju kithe, “Pa no o nhethi xükhove tsüake no ye pa ghili kiu pilu nani kea?” Pa no pi, “Pa ye tungkupue.”

Apostolmi 7:37

Moses hipau no Israelmi vilo pike, ‘Alhou no nongu ghenguno no thiküzümi dolo tungkupu I toikeu ipeghipe nani.’

ZAKINIU 34:10

Israel lo Moses toike tungkupmi khilemu ipeghi mphi, kughengu pa ye Ampeu sasü agi kinheqhe no küptsa cheke.

ZAKINIU 5:5

Ni ye tipa ghuloki lo nongu eno Ampeu dolo puthugho no Pa no kiu pi keno nongu vilo pie. Kughengu nongu ye ami msa kelauno naghuto lo iqhomoe. Ampeu no pi,

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

1 John 3:23

Pa zakütsü ye hike: ningu ye Pa Nu Jisü Khristo jelo pülübe eno Pa no aza ningu tsüve ketoi lakhino lakhi kimiye kile masae