ZAKINIU 18:10 - Sumi Naga CL (Re-edited) Bible (BSI)

¹⁰ Nongu tianuli pesü akiptia lono piti mlla moni; now timiqo ye hipaqo pepimhe moni, asakiqhi, asheazü tsa kipi, atumu, eno küdüu,

BAIBEL (BSI)

¹⁰ Nongu tianuli pesu akiptia lono piti agha shikevilo; nowu timiqo pelo hipaqo pepimhe pekevilo—saqhisali shikeu, muthu wukeu, zuluve kepu gha

ZAKINIU 18:10 Iomraidhean Croise

BOTHUBO 44:5

Hi ye I mpeu no shoche keu jukhu, eno hipau pesü pa no chini chenike kumo keshea? Hipau shikeu lono nongu ye küsakügha shivae.’”

KUKAMI AKINIU 16:3

eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

KUKAMI AKINIU 23:24

Tinguno alau, achinetou Hilkiah no Ampeu ki lono ithulu keu kaku lo yepüa keqo pepimhe wonike akükau Josiah no Judah yeghi lo eno Jerusalem lono tumumi eno kithixashemi, akibo lhouqo, ajulhoqo, eno aphikümqhüpu kümtsü ikhive.

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

IPEKULU 22:17

Tsala li papu no li pesü pa tsüni keu pulomo mithe aye, pa ye atathelimi ghenguno ameh tsü chekeu qhemi lochileni.

IPEKULU 22:18

“Nongu ye küdüu limi pelo xüpe kevilo.

ISAIAH 47:13

No ye mijekütsü jeli kutomo no miqemileivae; tipaqo pelo ighi no o xalu pelo; atsütsü kothape qhiche keqo, ayepu ayesü chheju chekeqo; eno aqhi kithe lo o shou kiu ighi nani keno piche keqo pelo o xalu pelo.

JEREMIYA 27:10

Kughengu ti ye akimki lono nongu lau tungkuptsa piani, ti ye nongu pesü no yeghi lono putosüu hapuwuveni keu kiqi ke; I no nongu hapheve no nongu ye pühave nani.

JEREMIYA 27:9

Ikehu, now tungkupmi, tuumi, asamo kishimi, asheazü tsa kipimi, momu küdüumi, nongu vilo ‘Nongu ye Babylon kükau qemo nani,’ ipi chekeqo tsa ini kevilo.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

ACHINE 19:26

“Ashi lo aji apülaghi chumoni. Küdüu jeli kiumu shimoni.

ACHINE 19:31

“Tumumi momu kithixashemi lau wumoni; panongu vecheo nongu shikitiqe moni: Ni ye Ampeu nongu Lhou ke.

ACHINE 20:6

“Khuana no tumumi momu kithixashemi küsütsa eno tipaqo lau wu aye, I no pa launo I gi kughove no Iw timiqo gholono hapheve nani.

MICAH 5:12

I no nongu launo atumu kütsave tsü nani eno nongu ye asakiqhimi kühave nani;

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

Apostolmi 19:19

Küdüu kishimi kutomo no panow kakuqo kumqope aqha zülono pitive. Ti kaku me kihiju kelo ghükayi qhethonhe lhopungu shi aghie.

Apostolmi 8:9

Timi lakhi Simon ipikeu tipa phughi lo küdüu shiche eno timiqo shithüghüi no pa ampi pesü kije kepi piche.

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

SAMUEL ATUGHIU 28:3

Samuel thive kethiu Israel kümtsü no pa ghenguno mloqa eno paw mishighüna Ramah lo shiqhove. Saul no tumumi ngo kithixashemi aghakhu lono hapheve.

SAMUEL ATUGHIU 28:7

Saul no pa qeu vilo pi, “I ghenguno totimi tumumi lakhi phuju lo, I no li lau wuno ighijuni.” Pa qemi no pa vilo pi, “Julo, En-dor lo tumumi lakhi ani.”

SAMUEL ATUGHIU 28:8

Ikehu Saul no pa ju kilive no aphimini kütau pepusü pa gholo timi kini sasü wue. Panongu no putho lono topumi lau ighi. Eno pa no pi, “I ghenguno tumu julo eno I no khuu khuu je mu o vilo pikeu saghi lo.”

SAMUEL ATUGHIU 28:9

Topumi huno pi, “Saul no kiu shive keno, pa no kishi aghakhu lono tumumi ngo kithixashemi hapheve keno nono thebei ithi ani. Imaye kushiye I pithive niye no ye I küxü ghenguno alichhe shi ani kea?”