ZAKINIU 17:20 - Sumi Naga CL (Re-edited) Bible (BSI)

²⁰ eno pa mlo ye pa thiküzümi nguno akuchuquu shi kümsümo eno Ampeu no azah tsükeu lono ajeumu piyiumu tsüghüve monani. Pa eno pa kibolomi ye ado kushuo pa kükaqha lo ayepelu nani.

BAIBEL (BSI)

²⁰ Hipauno paye pa kusami Israilmi nguno akiviu kepi kumsu pemo nani eno kiu lomu AMPEU no ahza tsukeu hebide pemonikeu shi ngolupe nanike. Tileno paye ampe kutomo ayehpelu nani eno pa polo kughukomi tiqheli kutomo kutolo Israil lo ayehpelu nani.”

ZAKINIU 17:20 Iomraidhean Croise

SAMUEL AKINIU 22:23

Pa yezah kümtsü I zülo ae, ni ye Pa khuaye lono tsüghüve moke.

KUKAMI ATUGHIU 11:34

Ikeghi ni ye Solomon launo kükaqha kupuju lutsü mono pa no xüake tivilo pa pelo kape nani. Hi ye I qeu David, I no kishelu keu eno I zakütsü eno I yezahqo pelu keu ghenguno ke.

KUKAMI ATUGHIU 11:36

Eno pa nu lau I no ashiaye lakhi tsüni, tishikeu lono I qeu David kuluqhe ye I no I je ghenguno kishelu keu phughi Jerusalem lo I zülo ache penie.

KUKAMI ATUGHIU 15:3

Pa sü David toimo no pa pu toi axine kümla kümtsü pa no shi, eno pa mlo kuchopu pesü Ampeu pa Lhou tsümoe.

KUKAMI ATUGHIU 15:5

kughengu David ye pa küxü tivilo Ampeu zülo achipiu likhi shi, eno Hittimi Uriah vehu lo kumo aye Pa no azah tsükeu hebidemoe.

KUKAMI ATUGHIU 2:3

Moses Yezah lo yepüa ketoi Ampeu o Lhou khuaye, Pa zakütsü, pimheye, Pa no ghutu keu kümtsü pelu lo, tishianguno no ye khila khila wuna kiukiu shinamu ikoishelu nani,

KUKAMI AKINIU 10:30

Ampeu no Jehu vilo pi, “Nono I nhethe lo kiu no achipi keno ti shike ghenguno, eno Ahab kibolomi lau I mlo lo akeu kiqi lono thokha shi kehu, o lagha lono tiqheli bidi kutolo Israel kükalakhü lo iqa nani.”

KUKAMI AKINIU 14:10

No ye kuchou no Edom theqhivae eno tino o mlo mtolu ani. Ikemu o jekipi tino lukümkha shive no aki lo auve lo. Kushiye aküküpna xukutho no tino no eno Judah ghi o gholono ikiqi apeni kea?”

YEKIKITHI AKINIU 25:19

Nono piani, ‘Julo, I no Edom theqhivae,’ eno tino aqheküza shi o süqhe ani. Ikemu itehi ye aki lo ngove lo. Kushiye aküküpna xukutho no Judah ghi o gholono ikiqive apeni kea?”

YEKIKITHI AKINIU 26:16

Ikemu kughou pa no akumto shive keno, pa ye qhezauve no pa kuluqhive. Pa ye pa Lhou Ampeu lau amikucho shimove eno Ampeu chineki lo tsüngqüi keu kiptia lo piti nike ilove.

YEKIKITHI AKINIU 33:12

Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

LESHELE 119:102

Ni ye O zakütsü lono tsüghüve moe, kughengu Nono I shika ke.

LESHELE 132:12

Tsala o nuliqo no Iw puloshoqhi eno I kükütsü tsa I no panongu shika keqo papelu aye, panongu tianuli ghi alhokupuju o kükalakhü lo iqa nani.”

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

AHOLE 10:27

Ampeu sükümsa no axüpushu tsü cheni, ikemu kixikilami küxü ye ghitha kughukhove tsü cheni.

AHOLE 27:24

kughengu kinikülü ye alholo achemo nani, imaye aküka kütsükuqho ghi tiqheli tiqheli pekishe cheni keshea?

YETSAPIU 8:13

Ikemu kixikilami ye akivipu kumoe, pa küxü ghi yekükhü lakhi toi süchho mla nani, kughengu pa ye Alhou msamoe.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

2 Kor. 12:7

Ike akümzapu piyeküsü I lau ighikeu pesü I no qhezauve nosa kehu I phimpi lo asahu qhusü tsüe, ti ye Satan ghinimi lakhishi I heqhi peniye, tishianguno I pelo qhezape moniye ke.

ZAKINIU 12:25

Nongu ye ti chumoni, kughengu nongu no Ampeu zülo kiu no achipi keno ti shiaye, nongu eno no tianuli ghenguno akivipu shinani.

ZAKINIU 12:28

I no azah nongu tsükeu thokha pekupu nike pükapütsa lo, tishianguno nongu eno no tianuli ghenguno alholo akivipu shinani, kughengu kiu no akivi eno achipi keno tishi aye akivipu ke.

ZAKINIU 12:32

“I no azah nongu tsü akeu thokha shilo; tile kiumu süküpha kevi momu ikhive kevilo.

ZAKINIU 17:11

Panongu no mijetsü eno shuphe tsükeu kiqi lono shilo. Nongu ye xakütha tipau lono ajeumu piyiumu tsüghüve moni.

ZAKINIU 4:2

I no nongu lau kiu azah tsüve akeno tipau shou kiumu küpha momu ikhive kevilo, ikemu Ampeu nongu Lhou zakütsü khikhi I no nongu tsüve akeno papelo.

ZAKINIU 5:32

Tighenguno Ampeu no Lhou no azah tsükeu papeni ke jukuto lo. Nongu ye tipau lono ajeu mu piyiu mu wuve kevilo.

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

SAMUEL ATUGHIU 10:25

Tile Samuel no timiqo vilo akükau chipiu eno akümlapuqo pitsü, eno pa no tipaqo kaku lo yesüve no Ampeu zülo qhivetsü. Tithiu Samuel no timi kümtsü pütüta kilo puwove.

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”