ZAKINIU 16:19 - Sumi Naga CL (Re-edited) Bible (BSI)

¹⁹ Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

BAIBEL (BSI)

¹⁹ Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

ZAKINIU 16:19 Iomraidhean Croise

LESHELE 15:5

khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.

IPEKULU 18:21

Tinguno alau, timiqo dolo shitsami, khunono Alhou sümsa cheni, pükhübekulu eno külügho mithi cheni keno titoi keqo phujulo, eno titoi keqo pelo qhethonhe shou, aqhe shou, lhopungu shou eno chighi shou atou shipelo.

IPEKULU 23:2

No ye küsakügha shiniye amqo akichiu gholo ikiqi ilomoni, momu achipiu xakütha tuchighi niye amqo akichiu küdau shino atsa kükügha lo thopi shimoni,

IPEKULU 23:3

momu no ye kumlhomi tsa kükügha lo pa lau agi jumoni.

AHOLE 15:27

Achipikumo kini mine keu ye pa kibo lo aküküpna xusü ani ikemu külügho mithi kemi no xülu nani.

AHOLE 17:23

Kixikilami no achipiu xakütha tuchighive tsüniye tuqho-tughou no külügho luve cheni.

AHOLE 18:5

Agikujushi kixikilami saphuve no amikuchomi pelo kuchou xakütha ithumlavepe keu ye alomoe.

AHOLE 24:23

Hipaqo ghi alokütsümi kipitsa ke. Küghakütha lo agi jukeu ye alomoe.

AHOLE 24:28

Akiqi küha kelo kütami nguku ghi thopi shi kevi eno o mili pesü pishiqhi kevilo.

AHOLE 31:5

tikumo aye panongu no aji shove no xaküthaza tsüpüakeu kümsümave no aghimemi chipiu tuchighive tsü nosake.

YETSAPIU 7:7

Nedaqoda keu no alokütsümi pesü mbomzü shive cheni, eno külügho no amlo shipuqove tsücheni.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

EZEKEL 18:8

akighishe lono pünamo momu ala kiumu lumo, achipikumo lono pa u süchile luve, timi dolo kuchou xakütha shitsü,

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

HABAKUK 1:4

Ikehu ayezah ye avehu shimovae, eno kuchou xakütha ye kühavae. Kughengu kixikilami no achipiu mikuchomi süho luve akehu kuchou xakütha ye tuchighivae.

Apostolmi 10:34

Ikehu Peter no pithu: “Kuchou no Alhou ye agikuju kühae pi I no vethaluvae,

Apostolmi 16:37

Ikemu Paul no xaküthami vilo pi, “Panongu no mishi zülono küqümo kemi, Rom ghakhumi, heqhi no akughu shive no itehi ye tuqhou no ni pheve lopi ani keshea? Moe! Panongu ampi no ighi no ikhiphe masae.”

Apostolmi 23:3

Paul no pa vilo pi, “Alhou no o ghaqhi niye ani, no metsüghoi nuda püakeu tozü! No ye Ayezah kiqi lono I shou küghatha niye iqa apülaghi Ayezah bidela shi I heqhi lopi azah tsüni keshea?”

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

ZAKINIU 16:18

“Ampeu nongu Lhou no nongu tsü akeu phughi kümtsü lo küghaküthami ngo hiyampemi alagha kiqi lono süküsü shipe qhilo, eno panongu pelo kuchou xakütha timiqo tsü pelo.

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 27:19

“‘Khukhumu kachenami, mighimi, eno chimemi chipiu shipühave tsükeu ye müsüinivae.’ Eno timi kümtsü no ‘Amen,’ ipini.

ZAKINIU 27:25

“‘Khukhumu pimimo kemi ji pele nike külügho lukeu ye müsüinivae.’ Eno timi kümtsü no ‘Amen,’ ipini.

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

SAMUEL ATUGHIU 8:1

Kughou Samuel no alaye shive keno, pa no pa nuliqo pelo Israelmi shou xaküthami shipe.

SAMUEL ATUGHIU 8:3

Ikemu pa nuli ye pa laghi lo chemove no ala shinikeu laghi lo wuve. Panongu no külügho lu eno kuchou xakütha tuchighive tsü.