ZAKINIU 16:10 - Sumi Naga CL (Re-edited) Bible (BSI)

¹⁰ Tishino Ampeu nongu Lhou lau Ghile Pine ikhilu keu shi Ampeu no nongu kümgha tsükeu pesü nongu u lono pulokini kümllagho tsülo.

BAIBEL (BSI)

¹⁰ eno tishi puzu Ghile Pine ikhilulo, tiye AMPEU nongu Lhou gihukeu shi pano nongu kumghavetsu keu qhemi lono puloniqhiyi keu kumllagho pa lau sughilo.

ZAKINIU 16:10 Iomraidhean Croise

YEKIKITHI ATUGHIU 29:14

“Ikemu ni ye khuue pi eno Iw timiqo ye kiue pi ningu no hi kutolo puloniqhiyi O mlla kulupu shi kea? Kughengu thime kümtsü O launo ighi cheni, eno ningu no Ow pesü O tsüchileve ani.

YEKIKITHI AKINIU 31:14

Levimi Imna nu Kore, kipela khagho kheu no Alhou lau pulokini gho, Ampeu ghenguno kotha keu kümllagho kijeni keu, eno shishe akimthe kümllagho shou ampi shie.

IPEKULU 35:29

Israelmi kiptimi totimi khunoqo Ampeu no Moses vilo shilopi azah tsükeu kümla ghenguno tsünishi kümsülu keno panongu no pulokini kümllagho shi pesü Ampeu lau ighie.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

JOYIL 2:14

Khuu no ithi ani kea Pa mlo kilive no kükümgha süghi tsüluvi, eno Ampeu nongu Lhou mllalu pe kepushi athi ngo atsaizü kümllagho tsüluvi ke.

ACHINE 12:8

Li no ambe qhümlave aye, aqhewo kini, momu amiqhi süghini, lakhi no akipti kümllagho eno lakhiu no axine kümllagho shini. Achineu no li ghenguno lokichile shitsüni, eno li ye mithe luve nani.”

ACHINE 23:15

“Sabbath thiu nongu no Ampeu lau aghipe kipiqhe süghike tsalani no apine tsüni kihini.

ACHINE 25:26

Milakhi no qhüchile luni kemi abolomi kühave namu pa ampi no kinikülü shive no qhüchile lukepu laghi aghi aye,

ACHINE 5:7

“Ikemu pa no khikhiu mu süghimla aye, pa xine lovetsü penike pa ye Ampeu lau lokichile shi aqhewo kini momu amiqhi lhothe kini, lakhino axine kümllagho eno lakhi no akipti kümllagho ghenguno süghini.

AKIKIHI 28:26

Ghile tiqhetini tsala atüghüu lo kughou nongu no athi kithe pesü akümllagho shi Ampeu tsüni keno, nongu ye akimtheshi kuho kumqo lo eno kiu kümla mu shimoni,

AKIKIHI 31:28

Ghüshimi saje lono Ampeu ghenguno asüqha ikhithalo, ti ye timi na, amshitsü, khurha, ambe loji namu 500 lo lakhi pesü tsüni.

AKIKIHI 31:37

tile Ampeu saje no ambe 675.

1 Kor. 16:2

Apinedo kümtsü lo atsala atüghüni nongu lakhikhi no aghikeu qhemi ikhithape kütsü püaghilo, tishianguno I no ighi keloye süqhasüli lumoveni.

2 Kor. 8:10

Eno hipa vehulo kiu no nongu la shilu nani keno Iw xakütha tsü ani: wovekeu mpe lo nongu paghino akümla hipau huthu tsüke likhi kumono hi shinike pulo tsüke.

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 16:9

“Nongu no ayevü pesü aghibo ghothuke tsalani no apinedo tsüni kihi thulo.