ZAKINIU 15:9 - Sumi Naga CL (Re-edited) Bible (BSI)

⁹ Mthamini kixikila kükümsü nongu lolo iloghive no, ‘Ampe akütsüniu, apiashe qhikütsü mpe kupunuvae,’ ipi no amlo alomo qhiyi no thiküzümi akumlhou juno kiumu pa tsümove nosae. Pa no nongu küla ghi Ampeu lau ighamku kelo nongu ye akipimi shive nani.

BAIBEL (BSI)

⁹ Kiuala pa puna nikeulo milive kevilo, apiashe qhivetsu nikeu mpe kupunu wochea kepi pa milive kevilo. Akukumsu lhoksa tikithipu nongu kukumsulo iloghipe kevilo. Nonguno punani keu milive aye pano nongu nguku ghi AMPEU lau ighamuku nani eno nonguye angsupu shive nanike.

ZAKINIU 15:9 Iomraidhean Croise

JOB 34:28

pano ghenguno kumlhomi no ighamku Pa lau wu kelo Pa no aghimemi ghügha chilu tsüe.

LESHELE 101:3

Kiukiumu ameküküha thime pesü I nhethe lo qhimo nani. Khunono ikiqive akeno pano kümla ye I no mithi ke; tino I sünhe luve pemo nani.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

IPEKULU 22:22

Nongu ye chimemi momu mighimi khumu sapüsa moni.

IPEKULU 22:23

Nongu no panongu sapüsa, eno panoqo no I lau ighamku aye, Ni ye mtsüqheino panoqo küqa chiluve tsü nani,

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

AHOLE 14:21

Akisüghümi jukünatha chekemi ye axinemie ikemu süchile mono kumlhomi tsülu keu ye akümghapue.

AHOLE 21:13

Khunono kumlhomi sütsa initsü moni keno kutou pa no ku kelo pa sütsau ghi khochile tsümo nani.

AHOLE 23:6

Akimchhimi chuqupu chukevilo, pa no achuqupu kutope qhitsü keu minemighei kevilo,

AHOLE 24:9

Anikhami no kuchughu chekeu ye axine ke, thoküghami ye timi kümtsü kimthibo ke.

AHOLE 28:22

Shonutsümi ye aqüagha no pa shou ikughi nanie pi mthano paikhavi kinimi shini keu kümsü cheni.

AHOLE 4:23

O kükümsü kütsü kiyipe jukuto alo, kughengu tipau lono aküxü züpuki ipeghi cheni.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 34:14

‘Ampe tsüni shekha lo Hebrewmi khunoqo o lau jesüve no ampe tsügho o qeve akeno no ye panongu kuqho pheveni; o kümlapu lono no ye pa pelo ililaive peni.’ Ikemu no puasüqo no I tsa inimo eno panongu kini mu I lau kugho puwomoe.

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

MATTHEW 20:15

I no akeu pesü kiu shinishi keno ni ye shimlani keshea? Ikeo, Iw tsüjekini ghenguno o nheshuve kea?’

ZAKINIU 15:1

Ampe akütsüniu kishekhake kümtsü lo apiashe qhive tsüni.

ZAKINIU 24:15

Khetsünhe ilomphi lono tipa tsalani jume pa tsüveni (kughengu pa ye kumlhomi ke eno ti pükhüpe acheni), tikumo aye pa no Ampeu lau nongu ghenguno ighamku kelo nonguu no akipimi shive nani.

ZAKINIU 31:10

Pa no panoqo azah tsü, “Ampe akütsüniu shekha, kuqhokiphe mpe lo ado bekütha shipüa keu, Apusho Ghulhu lo,

James 4:17

Ikehu khukhumu achipiu shimasa keu ithi apülaghi shimove aye pa ghenguno axine ke.

James 4:5

Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

1 Peter 4:9

Nhenheshi mono nongu kilo lakhino lakhi sasüthi kilelo.