ZAKINIU 15:10 - Sumi Naga CL (Re-edited) Bible (BSI)

¹⁰ Shonu shimono nibonilei pa tsülo, eno nongu lolo alhoksa kümsü mono tsülo, kughengu hi ghenguno Ampeu nongu Lhou no thokha lo nongu kümgha tsü nani.

BAIBEL (BSI)

¹⁰ Shonu shimono nibonilei pa tsulo eno nonguno mla ithakeu kumtsulo AMPEU no nongu kumghatsu nanike.

ZAKINIU 15:10 Iomraidhean Croise

AHOLE 22:9

Tsü-jekini mlo ache kemi ye kumlhomi sasü achuqupu kijechu chenike ghenguno kümghatsü nani.

YETSAPIU 11:1

O sho pesü azü lo vesüve lo, nono atsala kutomo thiuno ala pekütsülu nani.

ISAIAH 32:8

Ikemu gihuküzümi ye agigihupu kukughu shicheni, eno agigihupu lo puthugho cheni.

ISAIAH 58:10

tsala nongu no müzüthi kemi achuqupu tsü aye eno ichheime akemi mlo vepiqitsü aye, nongu küvü ye aküzü shou yepüvüve nani, eno nongu küzü ye puchomghü toive nani.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

Rommi 12:8

khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

ZAKINIU 14:19

Achishibo kupu tikha-ninga kümtsü mithe moke tipaqo chumoni.

ZAKINIU 14:29

Aphughi lo Levimi ye pano mheghi küha kehu panongu eno kachenami, mighimi, eno chimemi pelo ighi no tipaqo chuno aghaqilu pelo, tishianguno Ampeu nongu Lhou no nongu kümla thokha kümghatsü nani.

ZAKINIU 15:18

Aqemi phepuwu kelo amlo püna kevilo, kughengu pa ye aqe kiqemi jume tüxa lono ampe tsügho o qevae. Ampeu Alhou no nono mlaitha keu thokha lo kümgha tsü nani.

ZAKINIU 15:4

Nongu dolo khumu kumlhomi shimo nani; kughengu Ampeu Alhou no nongu tsü akeu yeghi lo nongu kümghatsü nani.

ZAKINIU 23:20

Inaghami launo akighishe lulu nani, ikemu no thiküzümi lau ye akighishe lumoni, tishikeu lono Ampeu nongu Lhou no nongu no ngoniye akeu yeghi lo thokha nongu kümgha tsü nani.

ZAKINIU 24:19

“Nongu no ghile hukelo, aghi kipiqhe hami kümsümave no alu lo qhive aye, ti lunike idehu moni. Ti ye kachenami, mighimi, eno chimemi ghenguno qhive tsüni, tishianguno nongu no mlakeu thokha lo Ampeu nongu Lhou no kümghatsü nani.

ZAKINIU 28:8

Ampeu no nongu biale kümghatsü eno no kümla küghütha kümtsü kümghatsü nani. Pa no nongu tsü akeu yeghi lo nongu kümghatsü nani.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.