ZAKINIU 14:29 - Sumi Naga CL (Re-edited) Bible (BSI)

²⁹ Aphughi lo Levimi ye pano mheghi küha kehu panongu eno kachenami, mighimi, eno chimemi pelo ighi no tipaqo chuno aghaqilu pelo, tishianguno Ampeu nongu Lhou no nongu kümla thokha kümghatsü nani.

BAIBEL (BSI)

²⁹ Achuqupu hipauye Levi laghami salake kughengu panonguye aki alu pighi chemoke eno inaghami ngo mighimghami eno chimemi nowu taun lo xuache kemi salake. Panonguno avehupu shi akeu ighino lupelo. Hipau shilo eno AMPEU nongu Lhou no nonguno mla ithakeu kumtsulo nongu kumghatsu nanike.”

ZAKINIU 14:29 Iomraidhean Croise

LESHELE 41:1

Khunono kumlhomi jukuto cheni keno pano lokivipue! Shiluküsa tsala lo Ampeu no pa xaphelu cheni;

LESHELE 41:2

Ampeu no pa süsho eno püxütsü cheni; pa no xü akeu yeghi lo pa ye alokivipu timi ipi kucheni; pa ghümi no kümsü pulo akeu lo No ye pa phesüve chemoe.

LESHELE 94:6

Panongu no chimemi eno kicheghüzümi pithive, eno mighimi ghiqhie;

AHOLE 11:24

Khami ye kümsano tsüve namu alau kinimi shi, khamiu ye tsükepu shi akeu süchileve keghi aqüagha shi cheni.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ACHINE 19:34

O küsami Israelmi toi pa peithani eno o likhi o toi pa kimiyeni. Kughengu nongu ghi Egypt lo kupokichemi shiche ke: Ni ye Ampeu nongu Lhou ke.

AKIKIHI 18:20

Ampeu no Aaron vilo pi, “No ye panongu yeghi lo o mheghi kühae eno pano mheghi lo o saje khu kevilo. Ikemu Israelmi gholo o mheghi ye Ni Ampeu ke.”

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

ZAKINIU 10:9

Tighenguno Levi lagha ye pano thiküzümi gholo amheghi tsümove. Ampeu nongu Lhou no Levi vilo pike toi, Ampeu hukuthu no pa mheghi ke.)

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 14:27

Nongu ye Levimi phughi lo akemi kughucho kevilo, kughengu panongu ye pano mheghi kühae.

ZAKINIU 15:10

Shonu shimono nibonilei pa tsülo, eno nongu lolo alhoksa kümsü mono tsülo, kughengu hi ghenguno Ampeu nongu Lhou no thokha lo nongu kümgha tsü nani.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 16:14

Nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 23:21

“Nongu no Ampeu nongu Lhou lau ashoqhi shikelo süpushu moni, kughengu Ampeu nongu Lhou ye nongu launo ti khu nani, eno akipimi nongu tsü nanike.

ZAKINIU 28:8

Ampeu no nongu biale kümghatsü eno no kümla küghütha kümtsü kümghatsü nani. Pa no nongu tsü akeu yeghi lo nongu kümghatsü nani.

ZAKINIU 6:11

nongu no sümo keu thime kivi jeli no aki chhitoi, nongu no chhumo keu zütughuko, nongu no shosümo keu tsailu ngo olive xathili aghi, eno nongu no tipaqo chuno aghapiqilu kelo,

IBRIMI 13:2

Shoinami sasüni keu kughucho kevilo, kughengu khami ye mthano kungumi sasü luvae.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.