ZAKINIU 13:5 - Sumi Naga CL (Re-edited) Bible (BSI)

⁵ Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

BAIBEL (BSI)

⁵ Ikemu asamo kiqi pitsu kemi momu tungkupmi khuuno nongu vilo AMPEU hebidelo pini keno pa pithivelo. AMPEU no Ijip lo nonguno tilau aqemi shi ake lono nongu xapheluke. Timi tikithipuye alhoksa ke eno AMPEU no nongu vilo xuchelo pi ahza tsukeu kuxu lono nongu sabideveni ke pukaputsa nani. Alhoksa lono nonguno cheluveni ke ghenguno paye pithive masake.

ZAKINIU 13:5 Iomraidhean Croise

KUKAMI ATUGHIU 13:19

Ikehu Alhou timi huno pa sasü idewo pa kilo chushove.

KUKAMI ATUGHIU 18:40

Elijah no panongu vilo pi, “Baal tungkupmi küghalu khavelo; panongu lakhimu phepupo kevilo.” Timiqo no panongu küghaluve, eno Elijah no panongu sasü Kishon ghoki lo ilo no kümtsü ghiqhi khave.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

JEREMIYA 14:15

Tighenguno khunono I no puwu moamu I je lono tungkuptsa pi eno, ‘Azütakikihi ngo püqümiye ye hipa yeghi lo ighimo nani’ ipi cheni keno, panongu ghenguno Ampeu no ishi piani: Azütakikihi eno püqümiye no tungkupu tipaqo pühave nani.

JEREMIYA 29:32

Ampeu no ishi piani: Julo, I no Nehelammi Shemaiah eno pa pishe amzü ghime nani. Timi hipaqo gholo pa kughukomi lakhimu küha nani, eno pa ye I no Iw timi lau akivi mlani keu ithulumo nani, ipi Ampeu no sheshu, kughengu pa no Ampeu hekibide tsa pike.’”

JEREMIYA 50:6

“Iw timiqo ye pühave keu mbeqo toivae. Pano khemi no pano saküghüzüvae eno naghutoqo lo pühave peke. Naghuto lono atoghi lo itsüsü wuve, eno panongu ye pano loji kümsümavae.

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

ZEKHARIA 13:3

Khuana no itaghi tungkuptsa pi aye, pa punuu puaza no pa vilo pi nani, ‘No ye xümoae, kughengu nono Ampeu jelono akimki tsa pi anike.’ Eno kughou pa no tungkuptsa pini keno pa punuu puaza no pa jiqhive nani.

Apostolmi 13:8

Ikemu küdüu Elymas (kughengu tino pa je kiqi ke) no angh pelo aküpülü lono tsüghüve penike panongu külae.

1 Kor. 5:13

Ashoumi ye Alhou no küghathabe nani. “Küsaküghami ye nongu gholono haphevelo.”

ZAKINIU 13:10

Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

ZAKINIU 13:15

nongu ye tipa phughi lo küxümi, atsüaqu, eno tile akeu kümtsü pithiveni eno qhoi kütsaveni.

ZAKINIU 13:9

Ikemu pa pithive lo. Pa pithini ke nou no atüghüu shini, tithiu no kütami no papeni.

ZAKINIU 17:5

tileno kiptimi totimi khuu no hi alhoksa shi keno, pa sasü aphughi khagho lo ipe no atu pesü veqhi pithive lo.

ZAKINIU 17:7

Thopimi paghi no atu pesü veqhini, tithiu no kütami no atu pesü veqhini. Hipa ghola lono alhoksa nongu dolono shipühave lo.

ZAKINIU 18:20

Ikemu tungkupmi khuu no I zakütsü lono kumono I je lono pini momu alhou kütauqo je lono pini keno pa ye thinani.

ZAKINIU 19:19

pa no nguku akeu timi huno aghime ithulu kepushi akeu pa shou pukuveni. Hitoi alhoksa ye nongu gholono ikhiveni.

ZAKINIU 22:21

panongu no li sasü papu ki hukikha lo wuno tilauno mishighüna lo kiptimiqo no atu pesü li veqhi pithiveni, kughengu li no apu ki lono kütüqhave keu vecheo Israel lo akukujopu kümla shike. Hitoi alhoksa ye nongu dolono ikhiveni.

ZAKINIU 22:24

pama sasü aphughi khagho lo ipeghi no atu pesü pamagha veqhive lo. Ayiliu no aphughi lo akeghi hakhotsü penike ighamkumo kehu, eno akiptiu no kütami nipu shipüthave kehu pithive masake. Hitoi alhoksa ye nongu dolono ikhiveni.

ZAKINIU 24:7

“Timi lakhi no pa thiküzümi Israelmi kügha sawo pa qemi shipe momu jeve aye, ti aküpkau huye pithive lo. Hitoi alhoksa ye nongu dolono ikhiveni.

ZAKINIU 26:14

I no mloqa akelomu ni ye chighi saje chumoe, I no mithe move namu kiumu ikhilumoe, momu tipau lono ikhipe kithimi lau akümllagho tsümoe. Ni ye Ampeu I Lhou gholu eno Nono azah tsükeu kiqi lono thokha shivae.

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

ZAKINIU 7:4

kughengu panongu no pano lhou mlla peniye I launo no nuli sawuve tsü nanike. Tileno Ampeu mlo kighide nongu shou ikughi nani eno Pa no paikhavi no nongu kütsave nani.

JOSHUA 23:8

Ikemu ishi kutolo shi aketoi, nongu ye nongu Lhou Ampeu süijepe ngolo.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

XAKUTHAMI 20:13

Itehi Gibeah lo hu timi ameküha keqo ni u lo phesüve tsülo, nino tipaqo pithive no alhoksa kümla hipau Israel yeghi lono ikhiveni.” Ikemu Benjamin laghami no pano thiküzümi no pi akeu tsa ini move.

SAMUEL ATUGHIU 12:14

Tsala nongu no Ampeu sümsa eno Pa huthu, Pa tsa gholu eno Pa zakütsü hebidemo, tsala nongu eno nongu shou ayepe akeu akükau no Ampeu nongu Lhou pape aye nongu kivipu shinani.