ZAKINIU 13:4 - Sumi Naga CL (Re-edited) Bible (BSI)

⁴ Ampeu nongu Lhou papelo, Pa sümsa no Pa zakütsüqo pelu lo, Pa tsa inilo, Pa huthu no Pa tsüqüpe lulo.

BAIBEL (BSI)

⁴ AMPEU pape chelo,pa sumsalo, pa gholulo eno pano ahza tsukeu pelulo; pa mllalo eno pa lau amikucho shilo.

ZAKINIU 13:4 Iomraidhean Croise

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

1 Kor. 6:17

Ikemu khuu no Ampeu gholo kimepe ani keno pa ye aghungu lono Ampeu sasü lakhi shivae.

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 11:1

“Ampeu nongu Lhou kimiye lo eno alhokuthu Pa khuaye, pimheye, eno azakütsü pelu lo.

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

ZAKINIU 6:5

O mlo kuchopu, o ngulho kuchopu, eno o kumto kuchopu pesü Ampeu o Lhou kimiye lo.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

2 John 1:6

Kikimiye ye hipau ke: ningu ye Alhou zakütsü kiqi lono cheche masae. Nongu no abothu lono chiluve ketoi azakütsü hipau tsükeu ye nongu pelo tipau lo cheche peniye ke.

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”