ZAKINIU 13:10 - Sumi Naga CL (Re-edited) Bible (BSI)

¹⁰ Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

BAIBEL (BSI)

¹⁰ Atu pesu pa veqhi pithivelo! Ijip lo nonguno aqemi shi ache kelono nongu xaphelu keu AMPEU Alhou launo pano nongu msu sawuveniye pukaputsake.

ZAKINIU 13:10 Iomraidhean Croise

KUKAMI AKINIU 11:18

Timi kümtsü no Baal chineki lo wuno atachu shi hephove tsü; panongu no akiptia ngo ajulho kubove tsü, eno akiptia zülono Baal chineu Mattan pithive. Tishino achineu no Ampeu kilo aghukhemi pelo khepe.

YEKIKITHI AKINIU 24:21

Ikemu panongu no pa shou küsüqe, eno akükau zakütsü lono Ampeu ki khala lono atu pesü pa veqhive.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 32:27

Pa no panoqo vilo pi, “Israel Lhou Ampeu no ishi piani, ‘Milakhikhi no azütakikihi xipu luve lo, eno aghazü kümtsü lo khagho lakhi lono lakhi lo wuno nongu thiküzümi, aküsami, eno akisüghümi ghiqhilo.’”

ACHINE 20:2

“Israelmi vilo pilo, Nongu gholo momu inaghami nongu gholo akemi khuu no pa tianuli pesü Molekh mllave peniye tsüni keno, aqoaho kümtsü no atu pesü veqhiveni.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

ACHINE 24:23

Moses no hitoi Israelmi vilo pive kethiu panongu no ghukusho tsa pikeu timi sasü aghazü khalau ipeve no atu pesü veqhi pithive. Ampeu no Moses azah tsüke toi Israelmi no shive.

ZAKINIU 13:5

Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

ZAKINIU 17:5

tileno kiptimi totimi khuu no hi alhoksa shi keno, pa sasü aphughi khagho lo ipe no atu pesü veqhi pithive lo.

ZAKINIU 17:7

Thopimi paghi no atu pesü veqhini, tithiu no kütami no atu pesü veqhini. Hipa ghola lono alhoksa nongu dolono shipühave lo.

ZAKINIU 21:21

Tileno mishighüna lo küami kümtsü no atu pesü pa veqhiveni. Hitoi alhoksa ye nongu dolono shipühave lo eno Israelmi kümtsü no chilu no msave nani.

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

JOSHUA 7:25

Eno Joshua no pi, “No ye kushiye aghime ni lau süghi kea? Ishi tsala lono Ampeu no o lau aghime süghi ani.” Eno Israelmi kümtsü no atu pesü Achan veqhi pithive. Panongu no atu pesü veqhive eno ami lono pitive.