ZAKINIU 12:31 - Sumi Naga CL (Re-edited) Bible (BSI)

³¹ Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

BAIBEL (BSI)

³¹ Panonguno pano lhouqo mllake ghola lono AMPEU nongu Lhou mlla kevilo, kughengu panoqo lhou mlla keulo panonguye AMPEU no aphimuqhu kepu jeli shi chenike. Panonguye pano tianuli ghi heqhi pesu akiptia lono aghashi piti chenike.

ZAKINIU 12:31 Iomraidhean Croise

KUKAMI AKINIU 16:3

eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 17:31

Avvami no Nibhaz eno Tartak julho mla, Sepharvaimmi no pano tianuli pesü akipti kümllagho shi pano lhou Adrammelech eno Anammelech lhouqo tsüe.

KUKAMI AKINIU 21:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu pape kelono pa ye Ampeu zülo kiu no axine keno ti shive.

KUKAMI AKINIU 3:27

Tileno pa no pa nu anoghiu, pa thisü kepushi akeu pesü atupikiye lono akipti kümllagho shi agha shive. Ikelo Israelmi shou aloghu kije ikughive, eno panongu no pa launo idechilesü pano yeghi lo wove.

YEKIKITHI AKINIU 33:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu, pa no tipaqo pape kelono pa ye Ampeu zülo axine shive.

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

LESHELE 106:37

Panongu no pano nuliqo eno pano ngaqo pesü tüghaküsa lau aghakishi shive;

IPEKULU 23:2

No ye küsakügha shiniye amqo akichiu gholo ikiqi ilomoni, momu achipiu xakütha tuchighi niye amqo akichiu küdau shino atsa kükügha lo thopi shimoni,

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

EZEKEL 23:27

Ghaghughale eno kütüqha keu khikhi Egypt yeghi lono huthu keno I no ti kishekhave tsü nani, tishikeu lono no ye panoqo lau o nhethi jupuku move momu Egypt kümsü kithe move nani.

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.

ACHINE 18:3

Nongu no Egypt lo ache kelo panongu no xüche keu ghola pape kevilo, momu Canaanmi yeghi khile I no nongu sawu cheni keno, tipaqo ghola pape kevilo. Nongu ye pano khuaye pape xümoni.

ACHINE 20:2

“Israelmi vilo pilo, Nongu gholo momu inaghami nongu gholo akemi khuu no pa tianuli pesü Molekh mllave peniye tsüni keno, aqoaho kümtsü no atu pesü veqhiveni.

MICAH 6:7

Ampeu ye ambetsü qhethonhe no qhethonhe, thazü ghoki qhethonhe chighi piqino aloqilu nani keo? Iw hekibide ghenguno ni ye I nu anoghiu pesü tsüni keo, I xine ghenguno I philo axathi tsüni kea?”

ZAKINIU 12:30

panoqo kütsave kethiu nongu ye pano lhouqo vehu lo, ‘Ningu ghi mllani kehu shiye hipaqo ye kishi pano lhouqo mlla che kea?’ ipi ighiju anipi nongu meluve no ti pape wuve monike tsükhüi lo.

ZAKINIU 12:4

Nongu ye tipa ghola lono Ampeu nongu Lhou mlla moni.

ZAKINIU 20:18

tishikeu lono panongu no pano lhouqo lau aphikümqhüpu khuaye shiche keqo nongu shikamo nani, eno nongu pelo Ampeu lau axine shipemo nani.

ZAKINIU 9:4

“Ampeu nongu Lhou no nongu zülono panoqo hapheve kethiu, nongu mlo lono, ‘I mikucho ghenguno Ampeu no I sasü ayeghi hipau pükhalu peke,’ ipi kevilo. Kuchou loye shiye hipaqo kixikila ghenguno Ampeu no nongu zülono panongu hapheve anike.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.