ZAKINIU 12:30 - Sumi Naga CL (Re-edited) Bible (BSI)

³⁰ panoqo kütsave kethiu nongu ye pano lhouqo vehu lo, ‘Ningu ghi mllani kehu shiye hipaqo ye kishi pano lhouqo mlla che kea?’ ipi ighiju anipi nongu meluve no ti pape wuve monike tsükhüi lo.

BAIBEL (BSI)

³⁰ AMPEU no ashiayeh hupaqo kutsaleve kethiu, nonguye panoqo chineyeh pape wumo nike itehino kutokupui shilo, kughengu tino nongu meluve nanike. Panonguye kishi pano lhouqo mlla cheni keno nongu ghi tipau phujuwu kevilo.

ZAKINIU 12:30 Iomraidhean Croise

KUKAMI AKINIU 16:10

Kughou akükau Ahaz no Damascus lo wuno Assyria kükau Tiglath-pileser sasü kusholu keno, pa no Damascus lo akümlla-khache lakhi ithulu. Akükau Ahaz no koghe küghü lo-i tipa kimihi, achineu Uriah lau tsü puwuve.

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

IPEKULU 23:24

nongu ye pano lhouqo zülo pishiqho momu tipaqo qemoni, momu panongu no shiche ketoi shimoni, ikemu nongu ye qhoi panoqo haleveni eno pano tsükucho mukhumuno shi kuboveni.

JEREMIYA 10:2

Ampeu no ishi piani: “Shiyeqo laghi pape kevilo, momu atsütsü lo amchipuqo jupe thüghüi kevilo kughengu shiyeqo ye tipaqo no shithüghüi ani,

EZEKEL 11:12

eno nongu no Ni ye Ampeu kepi ithi nani. Kughengu nongu ye I kükütsü lo cheche movae momu Iw pimheyeqo gholu movae, ikemu shiye nongu homxape akeqow pimheye kiqi lono mlaitha cheni ke.”

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 20:32

“Nongu kükümsü lo, ‘Ningu ghi shiye kütami toi shini, aghakhuqo lo ashiayeqo toi shini eno asü ngo atu mllani nolo’ ipikeu kükümsü ye khilemu shilumo nani.

ACHINE 18:3

Nongu no Egypt lo ache kelo panongu no xüche keu ghola pape kevilo, momu Canaanmi yeghi khile I no nongu sawu cheni keno, tipaqo ghola pape kevilo. Nongu ye pano khuaye pape xümoni.

ACHINE 18:30

Tighenguno I no azah tsükeu gholulo eno nongu züu timi khunono aghakhu lo ache keno tipaqow aphikümqhüpu ghushoghili pape kevilo, eno tikithipu shikeu lono nongu ampi shikitiqe kevilo; Ni ye nongu Lhou Ampeu ke.”

AKIKIHI 33:52

nongu ye tipa yeghi lo küghüna akemi kümtsü hapupove lo, panow asü-atu ngo ayi julho kümtsü kuboleve lo, eno panow qhemghaike-a kümtsü kütsave tsülo.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

ZAKINIU 11:16

Nongu mlo pishiqhive nosa, eno tsüghüsü kütau lhouqo mlla eno qeuve nosake kutokupui lo;

ZAKINIU 12:29

“Kughou Ampeu nongu Lhou no nongu zülono shiyeqo kütsave no nongu no ilo tipaqo yeghi lo ngoluni keno,

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

ZAKINIU 18:9

“Ampeu nongu Lhou no tsü akeu yeghi lo nongu no iloghive kelo, nongu ye shiye tile akeqo no aphikümqhüpu kümla shiche keqo pape moni.

ZAKINIU 20:18

tishikeu lono panongu no pano lhouqo lau aphikümqhüpu khuaye shiche keqo nongu shikamo nani, eno nongu pelo Ampeu lau axine shipemo nani.

ZAKINIU 7:16

Ampeu nongu Lhou no nongu u lo sütsü keu shiaye kümtsü kütsave lo. Nongu nhethi no kimiyeqhiyi pano jumoni, momu pano lhouqo mlla moni, kughengu tino nongu meluve nani.