ZAKINIU 12:3 - Sumi Naga CL (Re-edited) Bible (BSI)

³ Pano kiptiaqo tulaqhive tsülo eno atsükucho ngo Asherim julho kubove no pitive tsülo. Pano lhou julhoqo micheve tsülo eno a-a tipau lono panongu je pühave tsülo.

BAIBEL (BSI)

³ Pano wu akiptiaqo tulepiniyivelo eno chini chekeu tsukucho tu kubopinyive tsulo. Panongu lhou liu Ashera julho shikeu pitilevetsu eno panoqo suatu julho michevetsulo, tishianguno tipaqo alo itaghi tipanoqo mlla kithe pemo nike.

ZAKINIU 12:3 Iomraidhean Croise

KUKAMI ATUGHIU 14:15

aghoki lo amtübo sükini aketoi Ampeu no Israel ghime no ayeghi kivi khikhi pano puasüqo tsü keno, tileno panongu nhüpe Euphrates nguno hulau apanagha puwuve nani, kughengu panongu no Asherim mlakeu lono Ampeu mlo shikighide tsüke.

KUKAMI ATUGHIU 15:13

Pa no pa za kükaliu Maacah ghi ikhive, kughengu li no Asherah lhou lau aphikümqhüpu julho mlake. Asa no ajulho tipau loqhive no Kidron Khila lono pitive.

KUKAMI AKINIU 11:18

Timi kümtsü no Baal chineki lo wuno atachu shi hephove tsü; panongu no akiptia ngo ajulho kubove tsü, eno akiptia zülono Baal chineu Mattan pithive. Tishino achineu no Ampeu kilo aghukhemi pelo khepe.

KUKAMI AKINIU 18:4

Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI AKINIU 23:14

Pa no atsükuchoqo hepholeve tsü, eno Asherim loqhipe tipaqo lo timi saghi no chhitoi qhivetsü.

YEKIKITHI AKINIU 14:2

Asa ye Ampeu pa Lhou zülo kiu no akivi eno achipi keno ti shike.

YEKIKITHI AKINIU 14:3

Pa no inami kümlla khache, qhemghaike-a ikhive, atsükuchoqo hephove tsü, eno Asherah julho ghekuchove tsü.

YEKIKITHI AKINIU 19:3

Tishimu o lolo akivi hami phulue, ti ye nono Asherah julho aghakhu lono ikhive tsüno o mlo tsüqhiyi Alhou phuke.”

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

LESHELE 16:4

Khunono alhou kütau pape cheni keno amlo ghime küghüsü nani; ni ye panow ajih kümllagho leqhi tsümo momu pano je pesü I kichi lo pimo nani.

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

IPEKULU 23:24

nongu ye pano lhouqo zülo pishiqho momu tipaqo qemoni, momu panongu no shiche ketoi shimoni, ikemu nongu ye qhoi panoqo haleveni eno pano tsükucho mukhumuno shi kuboveni.

IPEKULU 34:13

Pano kümlla khache tulave tsü, atsükuchoqo kubove tsü eno Asherah julho loqhive tsülo

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

JEREMIYA 17:2

pano tianuliqo no asübo eno qhemghai keu toghi lo pano kiptia eno Asherim akeqo kümsülu nani.

HOSIYA 2:17

Kughengu I no Baalqo je li kichi lono ikhive tsü nani eno tipaqo je kümsüchilelu pemove nani.

MICAH 5:14

I no nonguw Asherah julhoqo akuhu lono nhüve tsüno no phughiqo kütsavetsü nani.

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

AKIKIHI 33:52

nongu ye tipa yeghi lo küghüna akemi kümtsü hapupove lo, panow asü-atu ngo ayi julho kümtsü kuboleve lo, eno panow qhemghaike-a kümtsü kütsave tsülo.

ZAKINIU 12:4

Nongu ye tipa ghola lono Ampeu nongu Lhou mlla moni.

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

ZAKINIU 7:5

Ikemu nongu ye hitoi pano lau shilo: pano kümlla khache hephove tsülo, atsükucho kubove tsülo, Asherim julho ghekuchove tsü, eno ajulhoqo pitive tsülo.

Piyeküsü 13:1

Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

XAKUTHAMI 2:2

nongu ye hipa ghakhu lo küghüna akemi sasü khilemu puloshoqhi shi kevilo; eno nongu ye panongu kümlla khacheqo tuleqhi khave masae.’ Ikemu nongu no I tsa lumovae. Nongu ye kiu shive akea?