ZAKINIU 12:11 - Sumi Naga CL (Re-edited) Bible (BSI)

¹¹ tileno Ampeu no Pa je ghenguno kishelu ke-a lo, I no nongu vilo süghi lopi azah tsükeu kümtsü peighini: akipti kümllagho, aghakishi kümllagho, chighi saje, nongu no Ampeu lau ashoqhi kümllagho shikeu akiviu kümtsü süghini.

BAIBEL (BSI)

¹¹ AMPEU no a-a lakhi likhi kishetsu nani, tipa-a lono pa mlla kepushi nonguye tipa alo ino ahza tsuvekeu kumtsu pa lau sughi masake. Nonguno piti pesu aghashinikeu eno kutau aghashi kepuqo, nowu chighi saje eno akumllagho eno akimchi gho nonguno AMPEU lau tushoqhivekeqo sughilo.

ZAKINIU 12:11 Iomraidhean Croise

KUKAMI ATUGHIU 12:27

Timi hipaqo no Jerusalem lo Ampeu chineki lono aghakishi tsüniye wu aye, panongu mlo ye Judah kükau Rehoboam lau idewove nani, eno panongu no I pithive no Rehoboam lau idewove nani.”

KUKAMI ATUGHIU 8:13

O pelo alholo ache penike I no O ghenguno akighiche ki shive tsüae.”

KUKAMI ATUGHIU 8:16

‘I no Iw timiqo Egypt lono saipeghi ke tsalani no, Ni ye Israel shiaye phughi lakhi lomu I je qhinike ghenguno kishe phemoe. Ikemu Iw timi Israelmi shou ka penike I no David kishe ke.’

KUKAMI ATUGHIU 8:29

O nhethi no putho pucho aki hipau lo jupuku tsülo, a-a hipau ye Nono, ‘I je ye tilehi anani,’ ipi kehu o qeu no a-a hipau küdau juno inikhu kelo chilu tsülo.

KUKAMI AKINIU 18:22

Ikemu nono I vilo, “Ningu ye Ampeu ni Lhou shou pükhübe ani,” ipi aye, le maye Hezekiah no Paw qhemghaike-aqo ngo akiptiaqo hepho khave tsüno Judah ngo Jerusalem vilo, “Nongu ye Jerusalem lo akiptia hipau lono mlla lo,” ipike kumo keshea?

YEKIKITHI ATUGHIU 22:1

Tishino David no pi, “Hileno Ampeu Alhou ki shini, eno Israelmi ghenguno akipti kümlla khache hile shini.”

YEKIKITHI AKINIU 6:20

O nhethi no putho pucho aki hipau lo jupuku tsüalo, a-a hipau ye Nono, ‘I je tile anani,’ ipi püakeu shilu pelo, tishianguno o qeu no a-a hipau küdau jupuwo inikhu kelo Nono chilutsü nani.

YEKIKITHI AKINIU 7:12

Tile Ampeu no putho lono pa lau ipeghi no pi, “I no o kighini chiluvae, eno achineki hipau lono I lau aghakishi kümlla-a shi penike I no ikhiluve tsüae.

EZRA 6:12

Khuu no pa u pesü hipau bukiqeni momu Jerusalem lo akeu Alhou ki hipau kütsani keno, Alhou khuu no Pa je tile apeniye qhipüani keno Pa pelo kükami momu timi tipaqo haleve peniu. Ni Darius no xaküthaza mlavae; amlo tsüqhiyi hipau shikupu lo.”

LESHELE 100:2

Alokivishi Ampeu huthulo! Pa zülo alephe ghi ighilo!

LESHELE 116:17

I no shikimthikütsü ghakishi O lau mllani eno Ampeu lau inikhuni.

LESHELE 66:13

I no akipti kümllagho pesü O kilo ighini; O lau I no I shoqhi shikupuni,

LESHELE 78:68

ikemu Pa no Judah shiaye kisheluve Pa no kimiye chekeu Zion Toghi kisheluve.

IPEKULU 25:8

Panongu no I ghenguno akimthe-a mlani, tishianguno I no panoqo gholo ngoni.

IPEKULU 29:45

I no Israelmi gholo anani eno panoqo Lhou shi nani.

JEREMIYA 7:12

Itehi I no atüghü lo I kungoa shikeu Shiloh lo wulo, tile Iw Israelmi kümla lhoksa ghenguno I no kiu shikeno julo.

ZAKINIU 12:13

Nongu ye akipti kümllagho a-a kümtsü lono mlla moni,

ZAKINIU 12:14

ikemu Ampeu no nongu shiaye yeghi lo a-a kishetsü keu lo likhino akümllagho tsüni, eno tileno I no azah nongu tsükeu jeli kümtsü shilo.

ZAKINIU 12:18

ikemu tipaqo ye nongu eno no tianuli, no qemi eno Levimi no phughi lo akemi sasü kümtsa Ampeu nongu Lhou no kishetsü keu-a lo wuno Pa zülono chuni. Tishino nongu ye thokha ghenguno Ampeu nongu Lhou zülono alovini.

ZAKINIU 12:21

Tsala Ampeu nongu Lhou no Pa je ghenguno kisheni ye akeu-a huno ala kushuo shive aye, I no azah nongu tsüke toi kugho kughomu nongu ye Ampeu no nongu kümgha tsükeu lhoxü loji gholono lakhi heqhipe nongu no akeu phughi lono heqhi chulu nani.

ZAKINIU 12:26

Ikemu nongu launo akimthe kümllagho ithulu masa kepu, now ashoqhi kümllagho ye pesü Ampeu no kishe tsükeu-a lo wuni,

ZAKINIU 12:5

Ikemu Ampeu nongu Lhou no Pa je ghenguno eno Pa kungo-a shikepu nongu shiaye yeghi lo khile kisheni keno nongu ti phuni, eno tilau wuni.

ZAKINIU 14:23

Ampeu nongu Lhou no kishetsü ke-a lo Pa zülono now athi, atsaizü, eno thazü lo chighi saje, eno amishi ngo ambe piti tüghüu pesü chuni, tishikeu lono nongu ye alhokuthu Ampeu Alhou sümsa nani.

ZAKINIU 15:19

“Amishi eno ambe piti tüghüu atsü thaqhü ye Ampeu lau ikhiphe tsülo. Tipaqo sasü akümla shimoni, eno tipaqo mhi gholu moni.

ZAKINIU 15:20

Ampe atsütsü Ampeu no kishetsü ke-a lono no kibolomi sawo Ampeu zülono chulo.

ZAKINIU 17:8

“Tsala timi pithive keu, momu shiküpsa ghenguno atsa kükügha kushokütsüpu shive no nongu phughi loye ti xatha kümlapu shive aye, Ampeu nongu Lhou no kishetsü ke-a lo wulo.

ZAKINIU 18:6

Levimi lakhi no Israel lo pa no achekeu phughi qhive no khile khilemu Ampeu no kishetsü ke-a lo wuve,

ZAKINIU 23:16

Pa ye nongu no akeu phughi, pa no ngoni shikeu lo ngoni. Nongu ye akipimi pa tsümoni.

ZAKINIU 26:2

nongu ye Ampeu no nongu tsü akeu yeghi lo pekighi xathi amsüu hami ashoghi lo süno Ampeu nongu Lhou no Pa je ghenguno kishetsü ke-a lo pewuni.

ZAKINIU 31:11

kughou Israelmi kümtsü no Ampeu nongu Lhou no kishetsü keu-a lo ighini keno, Israelmi kümtsü no chikulupu shi nongu no Ayezah hipau phisüni.

JOSHUA 18:1

Israelmi no ayeghi qhasü luve kethiu kümtsü no Shiloh lo kumqo eno kuposhukulu phiki mlave.

JOSHUA 22:11

Israel shiaye kütami no ishi chiluve, “Julo, Reubenmi, Gadmi eno Manasseh shiaye tüxa no Canaan yeghi lughi lo Jordan lo, eno Israelmi yeghi küdau akiptia mla anie.”

JOSHUA 22:16

“Ampeu qoaho kümtsü no ishi pi ani, ‘Hi aküpülü hephove akeu kümla ye kiu kiqi kea eno kushiye Ampeu hebide ghi nongu sala akiptia mlakeu vecheo Israel Lhou launo tsüghüsü wuve no Pa pape move ani kea?

JOSHUA 22:23

ti ye nino Ampeu gholu moveno ni kütashi akiptia mlave ke. Momu nino akipti kümllagho tsünike, tüxatini gho mllani ke momu külakishi gho mllani ke hi mla aghi aye, Ampeu pelo ni ghime peni.

JOSHUA 22:27

tipa züqhulo no timi eno ni timi ghenguno eno ni thiu tiqhelimi ghenguno thopi shini, eno ti ye ningu ghi akipti kümllagho, aghakishi kümllagho eno külakishi kümllagho pesü Ampeu hukuthu kümla mla chekeu michipu shinie. Tishianguno ghulo kütau mu nongu tianuliqo no ni tianuliqo vilo, “Nongu ye Ampeu lau asaje kühae” ipilu pemo niye ke.’

JOSHUA 22:29

Ampeu ni Lhou kiptia, Pa kimthe-a zülo ghopüa keu nguno akiptia kütau mlape akipti kümllagho, athi kümllagho eno aghakishi kümllagho piti keu vecheo ningu ye Ampeu hebideve no Pa launo tsüghüsü wuvae pikeu ye khilemu kumoe!”

JOSHUA 9:27

Ikemu Joshua no panongu pesü Israelmi kümtsü ghenguno eno Ampeu kümlla-a ghenguno asü kighemi eno azü kupumi shivepe, ishi kutolo Ampeu no khileno Pa mllalo pini keno tile tishi acheni.

SAMUEL ATUGHIU 1:21

Elkanah ngo pa kibolomi kümtsü ampe lo aghakishi kümllagho tsü chekeu pesü Ampeu mlla nike eno pa no tushoqhi keu tsünike wue.