ZAKINIU 12:10 - Sumi Naga CL (Re-edited) Bible (BSI)

¹⁰ Ikemu kughou nongu no Jordan katha ikuno Ampeu no nongu tsü akeu yeghi lo xülu, eno no sükümxa lo aghümi akeqo launo nongu kulhoqhi tsüno sükusho tsüni keno,

BAIBEL (BSI)

¹⁰ Nonguno Jordan katha iku kelo AMPEU no nongu pelo ayeghi tipaulo ngoluno xulu penanike. Noghumi kumtsu launo pano nongu susholu nani eno iquighai xulu nani.

ZAKINIU 12:10 Iomraidhean Croise

KUKAMI ATUGHIU 4:25

Pa no xüake tivilo Judah ngo Israel yeghi Dan lono Beersheba kutolo sükusho lo ache eno timi kümtsü no pütüta tsailu eno mububo pighilue.

KUKAMI ATUGHIU 8:56

“Ampeu khuu no piqhi püake toi akulhokiqhi pesü Israelmi tsü keno Pa sheqhelo. Pa qeu Moses vecheo ashoqhi kivi shikeu atsa lakhimu tomlave moe.

YEKIKITHI ATUGHIU 22:18

“Ampeu nongu Lhou ye nongu gholo küha keshea? Pa ye ala jeli lono aloino keu pesü nongu tsüke kumo? Kughengu Pa no hipa cheaxü lo ache kemi pesü I u lo sütsü no Pa eno Paw timiqo zülono ayeghi hi qhasülue.

LESHELE 4:8

Ni ye aloino qhiyi ihozü no zühulu nani; kughengu, O Ampeu, O likhi no I pelo sükusho lono xülupe cheni.

IPEKULU 33:14

Ampeu no pi, “I no o gholo wunani, eno akulhokiqhi o tsü nani.”

AHOLE 1:33

ikemu khunono I tsa chiluni keno aküxü lo sükusho anani eno küsakusho kümsapu kühano iqüghai nani.”

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

EZEKEL 28:26

Panongu no sükusho lono küghünauve nani, panongu no atsaibo shosü eno aki shiqhe puku nani. I no pano kisüghümi khunono küthaküghapu shi pano peitha keno panoqo kümtsü lau Iw küghakütha bekelo panongu ye sükusho lono küghünauve nani. Tileno panongu no Ni ye Ampeu pano Lhou kepi ithi nani.”

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

EZEKEL 38:11

eno ishi pi nani, ‘I no aliwo kühakeu yeghi lo wuno aphuqo lewuni. Timi khunoqo aliwo kühakeu lo küghüna cheni, eno akhadu momu khagho kiumu kühakeu lo iqüghai sükusho qholo acheni keno, tipaqo leni,’

EZEKEL 38:8

Atsala kutomo thiuno no hekütsü nani. Ampe kutomo thiu aghüshi lono athoputho luve keu yeghi nongu no lewu nani, tipa yeghi lo timiqo ye ashiaye kutomo xuküqhape alhokuthu kütsape achekeu Israel naghutoqo lo acheni. Pano timiqo ye ashiaye kutomo gholono saighi no itehi ye kümtsü sükusho qholono küghüna ani.

ZAKINIU 11:31

Kughengu nongu ye Jordan katha iku Ampeu nongu Lhou no nongu tsü akeu yeghi lo ngoluni cheae. Kughou nongu no ti pükhalu no tile ngoluni keno,

ZAKINIU 3:27

Pisgah kütsüqa lo ikuno kulolau, kipelau, ahuu, eno apeu küdau o nhethi no juluve lo, kughengu no ye Jordan katha ikumoae.

ZAKINIU 33:12

Benjamin ghenguno, pa no pi, “Ampeu qhuu ye sükusho lo ani. Akiqheu Lhou no pa khekuto eno pa gholo acheni.”

ZAKINIU 33:28

Tighenguno Israel ye sükusho lono xücheni, atsütsü lono atsüzü piqitsü keu, athi ngo atsaizü yeghi lo Jacob ye iqüghai xülu cheni.

ZAKINIU 4:22

Ni ye hipa ghakhu lono thiniae; ni ye Jordan katha ikumo nani. Ikemu nongu ye katha iku aghüma yeghi pükhalu nani.

ZAKINIU 9:1

“Inilo, O Israel: nongu ye ishi tsala lono Jordan katha iku nongu nguno akijeu akumtou shiyeqo, eno shishe kije eno aliwo no iku atsütsü toni keshi akeu phughiqo haphe niye ani.

JOSHUA 11:23

Ampeu no Moses azah tsüke toi Joshua no ayeghi kümtsü leluve. Pa no ti kümtsü pesü Israelmi pelo amheghi shilu penike ashiaye kiqi lono kijeve tsü. Tishino tipa yeghi ye aghükishi lono akulho qhiluve.

JOSHUA 14:1

Achineu Eleazar, Nun nu Joshua, eno Israel shiaye ali tomiqo no Canaan yeghi pesü Israelmi lau hitoi amheghi shi kijetsü.

JOSHUA 3:17

Israelmi kümtsü no aghoki katha iku moke kutolo, eno shiye kümtsü no Jordan kathalu moke kutolo achinemi no Ampeuw Puloshoqhi Bohu pesü Jordan mta lo qhaike yeghi lo puthughoe.

JOSHUA 4:12

Reuben ngo Gad lagha eno Manasseh shiaye tüxa no aghüshi nhemgha kutope Moses no panongu vilo pike toi, Israelmi züu shive.

SAMUEL ATUGHIU 7:12

Tithiu Samuel no atu lakhi ikhipe Mizpah ngo Shen küma dolo shosüve eno tipau je pesü Ebenezer kutsü; kughengu pa no pi, “Ampeu no itehi kutolo ningu kuphue.”