ZAKINIU 11:18 - Sumi Naga CL (Re-edited) Bible (BSI)

¹⁸ “Tighenguno I tsa hipaqo nongu mlo eno akükümsü lo süpulo, nongu u lo amchipu shi khapu lo, eno nongu kishe lo khapu lo.

BAIBEL (BSI)

¹⁸ “Ahza tsuakeu hipaqo kumsululo eno tipaqoye losupu shi kumsu chelo. Nongu piputo keu lakhi shipenike aumlolo khapulo eno nongu kishelo dapulo.

ZAKINIU 11:18 Iomraidhean Croise

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

IPEKULU 13:16

O u lo eno o kishe lo hipau pesü amchipu shi qhilo, kughengu aküka kumto vecheo Ampeu no Egypt lono ningu saipeghi ke.”

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

AHOLE 3:1

I nu, I kükütsü kümsüma kevilo, ikemu o mlo lo I zakütsüqo qhilo,

AHOLE 3:3

Iqemokeu kikimiye ngo pükhükulu no o qhivepe kevilo; o kuo veho tsüghapu lulo; o mlo tu lo tipaqo yepuku lo.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

ZAKINIU 32:46

pa no pi, “Mtsüqheino nongu ye ishi tsala lo I no azah hipaqo nongu tsükeu amlo lo süpulo, Tishino no tianuli vilo hipaqo pesü kütülo, tishianguno panongu pelo amikucho shi Ayezah hi kümtsü papelu peni.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

2 Peter 1:12

Ikehu nongu no tipaqo ithi ani eno kuchou ghili ikhiluve keu shou mtotoi xü acheni kemu I mlo lo alhokuthu thime hipaqo vehu nongu vilo pinishi che kehu ghutulu anike.