ZAKINIU 10:21 - Sumi Naga CL (Re-edited) Bible (BSI)

²¹ Pa ye nonguw shekiqhepu, nongu Lhou ke, nongu nhethe lono Pa no nongu ghenguno akichiqhipu eno akümsapu kümla shitsüe.

BAIBEL (BSI)

²¹ Pa sheqhelo, paye nongu Lhou ke, pano nongu ghenguno akichiqhi kepu kije shitsu keu no likhi no nhethino ithuluve ake.

ZAKINIU 10:21 Iomraidhean Croise

SAMUEL AKINIU 7:23

Eno khunono Ow timi Israelmi toi kea? Ayeghi lo shiye lakhi Alhou no Paw timi shipeni ye qhüchilelu, Pa je ghenguno akümzapu kije shino panoqo zülono ashiaye haphe, shiye lakhi Egypt, eno tipau lhouqo launo Nono O salashi qhüchilelu ke.

LESHELE 109:1

I no sheqhe chekeu Lhou, inaqhoi auve kevilo!

LESHELE 145:6

Panongu no Ow akümzapu kümla kughushu pi nani, eno No ye kiutoi kije keno I no shupheni.

LESHELE 148:14

Pa no Paw timi ghenguno akibo süqhe, Paw timi kümtsü, Israelmi khunono Pa kupunu ani keno Pa sheqhelo. Ampeu sheqhelo!

LESHELE 22:3

Ikemu No ye akimthe ke, Israelmi no sheqhe chekeu kükalakhü lo ani.

IPEKULU 15:2

Ampeu ye I kumto eno I le ke, eno Pa ye Iw xakuluu shivae; hi no I Lhou ke, I no Pa sheqheni, I pu Lhou, I no Pa süqheni.

IPEKULU 34:10

Ampeu no pi, “Julo, I no puloshoqhi lakhi shi ani. Ayeghiqha kümtsü lo momu khuno shiye laumu shimo keu I no akümzapu ow timi kümtsü zülo shinie. Eno timi kümtsü no Ampeu kümla ithulu nani, kughengu I no akümzapu thime nongu gholo mla nani.

ISAIAH 60:19

Khetsünhe ye puchou nongu küvü shimoae, momu putho lo aqhi ye nongu küvü shimoae, kughengu Ampeu no shekhaha nongu küvü shiniae, eno nongu Lhou no nongu juküvü shinani.

ISAIAH 64:3

Kughou Nono akichiqhipu kümla, nino kümsümo keu shi keno, ti ye Nono iqighi kelo, naghutoqo no O zülo khokhoshi ke.

JEREMIYA 17:14

I shipivi tsülo, O Ampeu, eno ni ye viluve nani; I xalulo, eno ni ye xaluve nani, kughengu No ye Iw shekiqhe ke.

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

JOSHUA 24:18

Eno ni nhethe lono Ampeu no ayeghi hipa qhalo xüche kemi, Amorimi kümtsü hapheve tsü. Tighenguno ningu ye Ampeu qeni, kughengu Pa no ni Lhou ke.”

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.