ZAKINIU 1:17 - Sumi Naga CL (Re-edited) Bible (BSI)

¹⁷ Xakütha lo agi jumoni. Kitilami na kijemi namu aphiphi shi küghatha lo. Khunomu nongu shikümsape kevilo, kughengu xakütha ye Alhouw ke. Aküküpna khikhi no nongu ghenguno kushokütsü keno I lau süghini, eno I no ti xathatsü nani.’

BAIBEL (BSI)

¹⁷ Nonguno xathatsukeulo agi jukevilo; kumtsu shou aphiphi shi kughathalo, paye khuu khuu shi aghi namu. Khuumu musa kevilo kughengu nonguno xatha keuye Alhou launo ighike. Kugha kepu khipau nongu ghenguno ighono shisa keno ilau sughilo eno ino tipau xathatsu nanike.’

ZAKINIU 1:17 Iomraidhean Croise

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

SAMUEL AKINIU 14:14

Ayeghi lo azü peleve kelo likütsü kithemla ketoi ningu kümtsü thive nani. Ikemu Alhou ye aküxü luvetsü chemoe, eno Pa no alaghi hami phuphetsü cheni, tishianguno hapupove kemi ye khalau tishi auve chemoe.

YEKIKITHI AKINIU 19:5

Pa no aliwo kumto mishighüna atsütsü xaküthami süsüpe qhi,

YEKIKITHI AKINIU 19:6

eno xaküthami vilo pi, “Nono mlakeu lo kutokupui lo kughengu nongu ye timi ghenguno xatha anike kumoe ikemu Ampeu ghenguno ke. Pa ye nonguw xakütha lo ani.

JOB 31:34

ni ye aqokitikhi no cheqhini keu msache kehu, eno I bolomi no thaighani keu kümsa no thüghüi, tino ni ye khalau mu ipemo no inaqhoive cheke.

LESHELE 82:2

“Ado khitohi nongu ye amikucho kumoshi küghatha eno kixikilami lau agikuju piye nani kea?

IPEKULU 18:18

No eno timiqo ye mtsüqhei no akulho shive nani, kughengu hi ye o ghenguno ighono mishishei anike o likhino shilumo nanie.

IPEKULU 18:22

Eno panoqo pelo ado kümtsü lo timiqo shou küghatha pelo. Aküküpna kije thaqhü ye panongu no o lau süghini, ikemu aghuloqo ye panongu dolono xatha luveni. Tino o ghenguno mlalei nani, eno panongu no o gholo amakho puqhelu nani.

IPEKULU 18:26

Eno panongu no ado kümtsü lo timiqo shou küghatha tsü. Kiu kiumu kushokütsü küküpna ye panongu no Moses lau süghi, ikemu aghuloqo ye panongu dolono xathave.

AHOLE 18:5

Agikujushi kixikilami saphuve no amikuchomi pelo kuchou xakütha ithumlavepe keu ye alomoe.

AHOLE 24:23

Hipaqo ghi alokütsümi kipitsa ke. Küghakütha lo agi jukeu ye alomoe.

AHOLE 28:21

Agikuju ye akivi kumoe ikemu ashopa lakhi ghengu ghi timi ye akumou shive cheni.

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

JEREMIYA 1:17

Ikemu no ye akümla shi kepushi o ghili kutolo, ithulo, eno I no azah o tsükeu kümtsü pesü panongu vilo pilo. Panongu pelo o shikümsape kevilo, tikumo aye I no panongu zülono o shikümsa nani.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

MALAKI 2:9

ikehu nongu no I laghi papemo eno nongu kükütsütsa lo agiju keu qhemi I no nongu pesü timi kümtsü zülono thaigha eno jukuloti peke.”

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

Mark 12:14

Panongu no ighi no pi, “Shikükau, no ye süchomie pi nino ithi ani. Kughengu no ye khuu lau mu agiju chemo momu ala saphu mono aphiphishi kihi cheni, eno kuchou no Alhou laghi pesü shika cheni. Ike zame pesü Caesar tsükeu ye ayezah kiqilo kemo kea? Ningu ye tsü kepu kemo kea?”

Luke 20:21

Ikehu tipaqo no pa vilo pi, “Shikükau, no ye achipi lono pi eno shika cheni püzü agijumo no mtsüqhei Alhou laghi pesü shika cheni kepi nino ithi ani.

Rommi 2:11

Kughengu Alhou ye agi juchemoe.

Ephesiami 6:9

Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 25:1

“Tsala mikini atsa kügha nike küghaki lo wukelo, küghaküthau no lakhi no pimiha eno lakhiu no küqüve keu pitsü kelo,

Kolosiami 3:25

Kughengu alhoksa kümlami ye pa lhoksa kümla ghenguno agikuju kühano ajume tsüchile nani.

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

James 2:9

Ikemu nongu no agikuju shi aye, nongu ye axine shi ani eno ayezah heküxami kepi nongu shou akipimi tsü nani.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

SAMUEL ATUGHIU 2:25

Tsala milakhi no lakhiu lau axine shive aye, Alhou no pa ghenguno alaki kipiu shitsü cheni, ikemu khuana no Ampeu lau axine shive aye, khuu no pa ghenguno alaki shitsüni kea?” Ikemu pama no apu tsa ini tsümove, kughengu pama shou akithi süghini keu ye Ampeu pulou shiveke.