YETSAPIU 9:9 - Sumi Naga CL (Re-edited) Bible (BSI)

⁹ Alhou no ayeghi lo adou küxü o tsü püake tivilo nono kimiye chekeu o nipu sasü alopivi xülo, kughengu nono ime mlaitha chekeu lo tino o saje ke.

BAIBEL (BSI)

⁹ Alhou no ayeghi hipaulo adou kuxu otsupuakeu xuake thaqhulo totimi nono kimiyechekeu sasu alokivi kuxu xulo. Ti adou tsala kumtsu aghakiqi shialo, kughengu owu shiluksa ghenguno noye tipau likhi ithulu nanike.

YETSAPIU 9:9 Iomraidhean Croise

BOTHUBO 26:8

Pa no tile ado kushuo ngove kethiu, Philistiami kükau Abimelek no alashe lono jupipe kelo Isaac no pa nipu Rebekah sasü kunuvüqai aghi keu ithulu.

LESHELE 144:4

Timi ye atuthu lakhi toike; pa tsala ye wove chekeu yekükhü toike.

LESHELE 39:5

Julo, Nono I tsala pesü auka qhemi kughulhove tsüae, eno I küxü mpe ye O zülo kiumu kumoe. Mtsüqheino timi kümtsü küxü ye atuthu kishe lakhi qhemie!

AHOLE 18:22

Khunono anipu phuluni keno pano küxü lo akivi phuluvae eno Ampeu no pa lau akivipu shive tsüae.

AHOLE 19:14

Aki ngo küakini ye apuaza launo ighilu cheni, ikemu lotsü-loghü nipu ye Ampeu launo ke.

YETSAPIU 2:10

I nhethi no kiu pulo keno ti kümtsü I no ithulue. I mlo no kiu pulo keno lakhimu milive moe, kughengu I mlo no I kümla kümtsü lo aghakiqi shi, eno tino I saxü ke.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

YETSAPIU 3:13

itaghi kümtsü no chusho no pütüta kümlapu lo alokiqipu shimasae. Hi ye Alhou no timi tsükeu gho ke.

YETSAPIU 3:22

Ikehu I no ithilu keu no timi ye pa no mlalu keu lo alovilu keu nguno akiviu kühae, kughengu tino pa saje ke. Kughengu pa no thive kethiu khuu no pa saghilu no ithulu peni kea?

YETSAPIU 5:18

Julo, I no kiu phulu keno hike; thime kümtsü nguno akiviu timi no shi kepushi akeu ye Alhou no aküxü ikhonhei pa tsü püake dolono chusho no pa no mlalu keu lo aghaqilu kepue; kughengu hi no pa sajeke.

YETSAPIU 6:12

Kughengu timi lakhi no aküxü ikhonhei xüno yekükhü toi hecheve chekelo, khuu no pa ghenguno akiviu ye kiu keno ithi nani kea? Milakhi no thive kethiu khuu no pa vilo kiu shive nani keno piluni kea?

YETSAPIU 7:15

Iw adou küxü lono I no thokha ithuluvae. Amikuchomi no pa mikucho lono thive cheni, eno kixikilami no paw kixikila kümla lono pa xüpushu cheni.

MALAKI 2:15

Pa no pama pesü ashi aghungu lakhishi küqhatsü kekumo keshea? Eno Alhou ye tipau vecheo kiu phucheni kea? Alhou sükümsa lagha. Ikehu nongu ye aghungu lono jukuto alo, eno nongu dolo khumu nongu lhothe lo nipu lau pükhükümla shi kevilo.