YETSAPIU 9:2 - Sumi Naga CL (Re-edited) Bible (BSI)

² Hi ye kümtsü ghenguno aphiphi ke, amikuchomi ngo kixikilami, akivimi ngo alhoksami, mqhamqhi kemi ngo mithekumomi, aghakishimi ngo shimo kemi, kümtsü aphiphi ke. Kivimi no axinemi nguno akiviu ke kumoe, eno ashoqhi shikemi no shimo kemi nguno akiviu ke kumoe.

BAIBEL (BSI)

² Tipaulo kutuqukeu kiumu kuhae. Amikuchomi ngo kixikilami, kivimi ngo alomokemi, achineyehlo amlo tsukemi ngo tipaulo amlo tsumokemi, aghashi pe mllachekemi ngo tishi chemokemi lau kiu shivepeniye kutopuani keno tipau aphiphishi ighi cheni. Kivimi lakhiye axinemi lakhi nguno akiviuke kumoe; ashoqhi shichekemi lakhiye tishi chemokemi lakhi nguno akiviuke kumoe.

YETSAPIU 9:2 Iomraidhean Croise

BOTHUBO 24:3

tishianguno I no o pelo Ampeu, atsütsü Lhou eno ayeghi Lhou vecheo tushoqhi peni, ti ye Canaanmi khuno dolo I no xüani keno panongu ngaqo pesü no ye I nu nipu lutsü moni,

JOB 9:22

Hi ye aphiphi kehu I no pi ani, ‘Alhou no pimimo kemi ngo kixikilami aphiphishi kütsave cheni.’

LESHELE 73:3

Kughengu kughou I no kixikilami küakini ithulu keno ni ye aqheküzami jumineve.

YETSAPIU 2:26

Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

YETSAPIU 3:19

Kughengu timi lau kiu shi keno tüghashi lau ghi athoshi cheni; lakhi no thive ketoi lakhiu ghi thive nani. Pama gha atuthu aphiphi, eno timi ye tüghashi nguno akiviu ke kumoe, kughengu kümtsü adoue.

YETSAPIU 6:6

Ikehu pa no ampe 2,000 kutolo xükepu shi namu, akivi kiumu ithulumo aye, kiu ala ania, timi kümtsü a-a aphiphi lo wuve nanike kumo keshea?

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

YETSAPIU 7:2

Küqa kumlo kilo wukeu no aghulhu kilo wukeu nguno akiviue, kughengu akithi no timi kümtsü shekuho ke, küxümi no ti pesü pano mlo lo qhimasae.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

YETSAPIU 9:3

Khetsünhe qholo kiu shi ani keno kümtsü lo alhoksa ye hike: kümtsü lau atüqhüdo aphiphi ighi nani. Itaghi, timi no xüake tivilo pano kükümsü ye alhoksa eno anikha likhi, eno tithiu pano ye thive nani.

JEREMIYA 43:6

kiptimi, totimi, itimi, kükalimi, eno timi khunoqo Nebuzaradan no Shaphan nu Ahikam nu Gedaliah yezah qholo qhitsü keno, kümtsü sasü wuve; eno tungkupu Jeremiah ngo Neriah nu Baruch pama ghi sawuve.

MALAKI 3:15

Ikemu itehi ye ningu no akuchhomami vilo müghae pi ani. Küsaküghami ye kinikülü shiluke likhi kumono Alhou peju no pokaluve cheni.’”

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

SAMUEL ATUGHIU 14:26

Kughou timiqo no aghasa lo ighi keno, julo, akhingozü ijiqi aghi, ikemu khunomu au no chope akichi lo sümoe, kughengu timiqo ye ashoqhi msa ae.