YETSAPIU 8:15 - Sumi Naga CL (Re-edited) Bible (BSI)

¹⁵ Ikehu alovi alopi I no piani, kughengu khetsünhe qholo timi ye chusho eno alovini keu nguno akiviu ye kiumu kühae. Alhou no aküxü pa tsüke tivilo alokivi huno pa ghime kupuju lo pa gholo anani.

BAIBEL (BSI)

¹⁵ Ike timiye pa lopivi kepushi akepu ino ithilu auvae, kughengu hipa kuxulo pa ghenguno aghakiqipu hilikhi ani tiye chu shono pa likhi pa lopivi anikeu Alhou no ayeghi hipaulo akuxu pa tsu puakeu ghulokilo pano ichhe ime mla akeulo hilikhimu shi kepushi anike.

YETSAPIU 8:15 Iomraidhean Croise

LESHELE 42:8

Puchou no Ampeu no Paw iqemokeu kikimiye piye, putho lono Pa le no I lolo ae, I küxü Lhou lau akighini shie.

YETSAPIU 2:1

I mlo lono I no pi, “Itehi ighilo, I no aghakiqipu pesü o pejuni; o lopivi lo.” Ikemu highi adou shi aghi.

YETSAPIU 2:10

I nhethi no kiu pulo keno ti kümtsü I no ithulue. I mlo no kiu pulo keno lakhimu milive moe, kughengu I mlo no I kümla kümtsü lo aghakiqi shi, eno tino I saxü ke.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

YETSAPIU 2:3

I no I mlo tsüqhiyi aji pesü I phimpi lopivitsü jue—ti ye alokütsü no I mlo kichepiye ghi shike—eno kishi mbomzü shi xüni keno tighi phujue, tishikeu lono ado ikhonhei atsütsü qholo xü akelo, timi ye kiu mlakeu no akivi keno ithi niye ke.

YETSAPIU 3:22

Ikehu I no ithilu keu no timi ye pa no mlalu keu lo alovilu keu nguno akiviu kühae, kughengu tino pa saje ke. Kughengu pa no thive kethiu khuu no pa saghilu no ithulu peni kea?

YETSAPIU 5:18

Julo, I no kiu phulu keno hike; thime kümtsü nguno akiviu timi no shi kepushi akeu ye Alhou no aküxü ikhonhei pa tsü püake dolono chusho no pa no mlalu keu lo aghaqilu kepue; kughengu hi no pa sajeke.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.