YETSAPIU 8:12 - Sumi Naga CL (Re-edited) Bible (BSI)

¹² Kixikilami no ghuthu 100 kutolo alhoksa mlano xüaghi namu, I no ithi anike khuu no Alhou msani keno, pau pavi nani, kughengu pa no Alhou msaighü acheni.

BAIBEL (BSI)

¹² Axinemi lakhiye ghuthu 100 kutolo heqhi buqhi puaghiluvi tishimu xu aghiluvike. Iyei, panonguno kiu picheni keno ino ithi ani: “Nono Alhou gholu aye thwokha achipi shi nani,

YETSAPIU 8:12 Iomraidhean Croise

KUKAMI ATUGHIU 21:25

(Khunomu Ahab toi anipu no kipe no Ampeu zülo alhoksa shinike pa ampi jesüve keu kühae.

YEKIKITHI ATUGHIU 16:30

ayeghi kümtsü no Pa zülo khokhoshi lo; iyei, ayeghi ye iqhisüvae, ti ye khilemu itha moae.

JOB 35:15

Tinguno alau, Pa no axukighide lono ghimemo eno timi kutokumo juzüvetsü kehu,

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

LESHELE 115:13

Kitilami shi aghina kijemi shi aghi namu Ampeu sümsa chekemi ye Pa no kümghatsü nani.

LESHELE 128:2

No ye o likhi o u no mlaqhikulu xathi chulu nani; no ye alokivi shi nani eno o ghenguno akivipu shi nani.

LESHELE 37:11

Ikemu ivünhei kemi no ayeghi ighi luve cheni eno iqüghai keu lono pano lopiqilu nani.

LESHELE 96:9

Akimthe juküvü lono Ampeu mllalo; ayeghiqha kümtsü no Pa zülo khokhoshi lo!

IPEKULU 1:20

Ikehu Alhou no akivishi jukupunumi pama lau mlatsü, eno timiqo ye kughuko wove no ighono akumto shi thuwuve.

AHOLE 13:21

Küsakusho no axinemi pape cheni, ikemu amikuchomi ye thime kivi pesü pa saxü shitsü cheni.

AHOLE 28:14

Alhokuthu Ampeu sümsa chekemi ye akümghapue, ikemu amlo kümkami ye küsakusho lo ikiqive nani.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

YETSAPIU 3:14

I no ithi anike Alhou no mlakeu kümtsü alholo ache nani; tipau lo kiumu süküpha mla, momu kiumu ikhive mlae. Alhou no hi shitsü keu ye timi pelo Pa zülo ighüqhiyi apeniye ke.

YETSAPIU 5:16

Hi ghi ighono alhoksa lakhi: pa no kiutoi ighi keno titoi wove nani, amülhü ghenguno ichheime chekeu ye kiu ala ani kea?

YETSAPIU 5:7

Kughengu kughou asamo eno atsa no kutomo shiveni keno adou shive cheni, ikemu nono msa masakeu ye Alhou ke.

YETSAPIU 7:15

Iw adou küxü lono I no thokha ithuluvae. Amikuchomi no pa mikucho lono thive cheni, eno kixikilami no paw kixikila kümla lono pa xüpushu cheni.

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

JEREMIYA 44:10

Ishi kutolo panongu ye pano kuchuni mphi, I sümsa mphi, eno I no nongu eno no puasüqo tsükeu yezah pape xüchemoe.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

Rommi 9:22

Tsala Alhou no Pa loghu eno Pa küka ithi peniye kütsaveni keu shi kuto püakeu, aloghu liqo, lau alaushi ado kushuo kheakulu eno kutuukulu shipüaghi aye kiu pini kea?

ZAKINIU 12:25

Nongu ye ti chumoni, kughengu nongu no Ampeu zülo kiu no achipi keno ti shiaye, nongu eno no tianuli ghenguno akivipu shinani.

ZAKINIU 12:28

I no azah nongu tsükeu thokha pekupu nike pükapütsa lo, tishianguno nongu eno no tianuli ghenguno alholo akivipu shinani, kughengu kiu no akivi eno achipi keno tishi aye akivipu ke.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,