YETSAPIU 6:6 - Sumi Naga CL (Re-edited) Bible (BSI)

⁶ Ikehu pa no ampe 2,000 kutolo xükepu shi namu, akivi kiumu ithulumo aye, kiu ala ania, timi kümtsü a-a aphiphi lo wuve nanike kumo keshea?

BAIBEL (BSI)

⁶ Tishiaye timino ampe 2000 kutolo xukepu shi namu akuxulo alokepu shilumo aye ti pama kinikujo a-a aphiphilo wuve anike kumokesha?

YETSAPIU 6:6 Iomraidhean Croise

BOTHUBO 5:5

Ikehu Adam küxü mpe ye 930, eno pa ye thive.

JOB 1:21

Pa no pi, “Ni ye I za po lono aphi kümsa ighi, eno aphi kümsa idewove nani. AMPEU no tsüno AMPEU no ikhipe wuvae; AMPEU je shelo.”

JOB 30:23

Kughengu Nono küxümi kümtsü ghenguno kuto püakeu akithi kilo I sawo süniye akeu I no ithi anie.

JOB 7:7

“I küxü ye atuthukishe lakhi kepi kümsülu lo; I nhethi ye khilemu idewo akivi tsala ithulu moae.

LESHELE 34:12

Khuu no aküxü kimiye cheni eno angukivi tsala kutomo ithuluni shi cheni kea?

YETSAPIU 12:7

Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

YETSAPIU 2:14

Alokütsümi nhethi ye pa kütsü lo acheni, ikemu anikhau ye aküzü lo checheni. Ikeghi I no pimhelu keu ye kümtsü lau ado aghuloki atho ighi cheni.

YETSAPIU 3:20

Kümtsü a-a lakhi lo wuve cheni. Kümtsü ayeghimkhu lono ighi, eno ayeghimkhu lo idewove cheni.

YETSAPIU 6:3

Timi lakhi no atianuli 100 kutolo aghi no ampe kutomo xünamu, pa küxü lo alokivi thimeqo shou alokiqi küha, eno akivishi pa sükumo shiqholu kepu shimo aye, I no pi anike anga akithi shi ghi punu keu huno pa nguno akiviue.

YETSAPIU 6:5

Tinguno alau, anga huye khetsünhe küvü ithumla, momu kiumu mthae, ikeghi kinimi nguno pau no akulho qhilue.

YETSAPIU 7:2

Küqa kumlo kilo wukeu no aghulhu kilo wukeu nguno akiviue, kughengu akithi no timi kümtsü shekuho ke, küxümi no ti pesü pano mlo lo qhimasae.

YETSAPIU 9:2

Hi ye kümtsü ghenguno aphiphi ke, amikuchomi ngo kixikilami, akivimi ngo alhoksami, mqhamqhi kemi ngo mithekumomi, aghakishimi ngo shimo kemi, kümtsü aphiphi ke. Kivimi no axinemi nguno akiviu ke kumoe, eno ashoqhi shikemi no shimo kemi nguno akiviu ke kumoe.

ISAIAH 65:20

Angaqo ye akughunu aphi lono khilemu thivemo nani, eno kitemi no axüshu no thi nani, kughengu lhothemiqo no ampe aqhe shino thi nani, eno axinemi no ampe aqhe lono thive aye, ti ye müsüinive kehu ke.

ISAIAH 65:22

Panongu no aki shiqhe no kütami no küghüna keu shimo nani; panongu no shosü no kütami no tipau chukeu shimo nani.

JEREMIYA 17:6

Pa ye asayeli lo asütsüni toi, akivi kiumu ithulumo nani. Pa ye asayeli lo qhaike-a eno amti yeghi lo pa likhi xü nani.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,