YETSAPIU 6:3 - Sumi Naga CL (Re-edited) Bible (BSI)

³ Timi lakhi no atianuli 100 kutolo aghi no ampe kutomo xünamu, pa küxü lo alokivi thimeqo shou alokiqi küha, eno akivishi pa sükumo shiqholu kepu shimo aye, I no pi anike anga akithi shi ghi punu keu huno pa nguno akiviue.

BAIBEL (BSI)

³ Timi lakhino anuli 100 kutolo aghiluvi eno axushu aghi namu pa kuxulo alokivi thime peithamla eno akivishi pa sukumo shiqholu kepu shimo aye, ino pinikeuye anga akithi shi ghi punu keu no pa nguno akiviuke.

YETSAPIU 6:3 Iomraidhean Croise

BOTHUBO 33:5

Kughou Esau no pa nhethi tsüpuku no jupuwo keno totimi eno atianuliqo ithulu, eno pa no pi, “O gholo hipaqo ye khunoqo kea?” Jacob no pi, “Alhou no küpüqhiyi atianuli o qeu tsükeqo ke.”

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

KUKAMI AKINIU 10:1

Ahab ye anu lhotsüni Samaria lo ache. Ikehu Jehu no yesü hitoi yepe Samaria lo yepemi lau, layemi eno Ahab nuli jukükütsümi kümtsü lau tsüpuwu,

KUKAMI AKINIU 9:35

Ikemu kughou panongu no li sükumo shiqho niye wu keno, li boghe eno apukhu ngo au thono kütau kiumu ithumlave.

YEKIKITHI ATUGHIU 28:5

Eno I nuliqo dolo (kughengu Pa no anuli kutomo pesü I kümghatsü kehu) Solomon pesü Ampeu kükalakhü lo iqa no Israelmi shou ayepe penike kishe luvae.

YEKIKITHI AKINIU 11:21

Rehoboam no pa nipuqo eno alojilimi kümtsü dolo Absalom nonga Maacah kimiye (pa ye anipu chighitache lu eno alojilimi lhotsügho ache, anu muku tache, eno anga lhotsügho ache).

ESTHER 5:11

Haman no pa küakini hukülü ghili, pa nuliqo, akükau no pa gihu keu shi pa xaqhe keqo, eno kishi pa no pa ampi pesü akükauw hiyampemi ngo aqemi kümtsü nguno akiqheu lo süqhe keno tipaqo panongu vilo pi ae.

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

JOB 3:11

“Kushiye ni ye apo lono thivemo, punuve kethiu nomu thivemo kea?

JOB 3:16

Momu ala lono hauve keu nga no aküvü ithumlave keshi kushiye ni ghi tishive pemo kea?

LESHELE 58:8

Pano pelo tünhaqü no aniba lo ilove ketoive pelo, akithi shi punukeu nga no aküvü ithumlave ketoi pelo.

AHOLE 17:6

Kitemi kütsükuqho ye pa tilimiqo ke, eno atianuliqo kijivilepu no panongu papuqo ke.

YETSAPIU 4:3

Ikemu hi küma nguno akiviu no punu mono akeqou noke, panongu ye khetsünhe qholo alhoksa kümla ithulu mphie.

YETSAPIU 6:4

Kughengu anga tipau ye adou lono punu eno aküzü lo hailove cheni, eno tilauno qhoi kümsümave cheni.

JEREMIYA 22:19

Khurha kumo kuqho toi pa shiqho nani, Jerusalem khaghoqo nguno khalau pa sünhe sawuve nani.”

JEREMIYA 36:30

Tighenguno Ampeu no Judah kükau Jehoiakim ghenguno ishi piani: David kükalakhü lo iqani kemi pa müzülo lakhimu kühave nani, pa sükumo ye khalau puchou akülü no pügha nani eno putho lo avütsa no ghaqhi nani.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

MATTHEW 26:24

Kuchoyesü lo pa ghili yepüake toi Timi Nu ye wuve nani, ikemu khuu no Timi Nu thechu keno pa hasapue! Timi tipau ghengu ye punu move keu pavini chekena.”