YETSAPIU 5:2 - Sumi Naga CL (Re-edited) Bible (BSI)

² Nono pimphi lono kümsüju paghilo, eno kümsülu khavi Alhou vilo piqhi kevilo, kughengu Alhou ye kungugha lo ani eno nono ayeghi lo ani kehu o tsapi kümghü lo.

BAIBEL (BSI)

² Nono pimphi lono kumsuju paghilo eno kumsulukhavi Alhou vilo piqhi kevilo. Paye kungughalo ani eno noye ayeghilo ani ikehu pikepushi akeu likhi pini thono tinguno alauye pikevilo.

YETSAPIU 5:2 Iomraidhean Croise

BOTHUBO 18:27

Abraham no khochile no pi, “Julo, ni ayeghimkhu eno ayevu huno Ampeu pütsa ayae.

BOTHUBO 18:30

Tithiu pa no pi, “O Ampeu no amloide tsü kevilo, I no pijuni. Tsala tile shighi ithulu aye?” Pa no khochile, “Tsala I no tile shighi ithulu aye, Ni ye tishimo nani.”

BOTHUBO 18:32

Tithiu pa no pi, “O, Ampeu no amloide tsü kevilo, ikemu I no itaghi hilikhi pijunie. Tsala chighi tile ithulu aye?” Pa no khochile, “Chighi ghenguno Ni ye ti kütsave monani.”

BOTHUBO 28:20

Tishino Jacob no ashoqhi shino pi, “Tsala Alhou no I gholo aye eno I no wu chekeu laghi hipau lo I süsho, eno achuqupu ngo aphimini pepu kepu I tsü aye,

BOTHUBO 28:22

eno atu hipau, khikhi I no atsükucho lakhi shi gho püani keno, ti ye Alhou ki shini. Eno Nono kiu I tsüni keno tipaqo kümtsü lo I no chighi saje O tsünie.”

LESHELE 115:3

Ni Lhou ye kungugha lo ani; eno Pa no pulo keu kümtsü shicheni.

AHOLE 10:19

Kughou no chilo atsa piuva keno, axine ye kupukunoae, ikemu lotsü-loghümi no amili kütsü ithi cheni.

AHOLE 20:25

Chokilhe shi “Hi ye akimthe ke” ipive no ashoqhi kümsü kutoju akeu ye alichhe ke.

YETSAPIU 10:12

Alokütsümi tsa no agigihupu pa lau süghilu cheni, ikemu mbomzümi tsapi no pa kütsave cheni.

YETSAPIU 10:13

Pa ye anikha tsa pithu püzü aghüzü tsa no kishekha cheni.

YETSAPIU 5:3

Chilo kütakihi kelono asamo pumo cheni, eno atsa kutomo piuve kelono anikha kepi ithive cheni.

YETSAPIU 5:7

Kughengu kughou asamo eno atsa no kutomo shiveni keno adou shive cheni, ikemu nono msa masakeu ye Alhou ke.

ISAIAH 55:9

Kungugha no ayeghi nguno qhemghai ketoi, I laghi ye nongu laghi nguno qhemghai eno I kükümsü ye nongu kükümsü nguno qhemghai ke.

ACHINE 5:4

momu khuana no ithikuthu mono pa kichi lono lhelheshi alhoksa momu akivi kümla shini kepi timi no shoqhi-sholi shi chekeu gholau no tushoqhive no pa kipimi kümsüchilelu aye;

MATTHEW 6:7

“Kughou nongu no inikhuni keno, khalaumi toi akiqi küha keu tsa chilo pi kevilo, kughengu panongu ye atsa kutomo eno kushuo pikeu huno Alhou no chilu tsü nanie pi kümsü cheni.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

Mark 6:23

Pa no li lau tushoqhi, “Kiu kiumu nono I vilo khukeu I no I kükaqha tüxa kutolo mu o tsüni.”

James 3:2

Kughengu ningu kümtsü ala kutomo lo pimive cheni. Khuana no pa tsapi lo khilemu shipimi cheghi moaye, pa ye kupukulumi, pa phimpi kuchopu ghasükulumi ke.

XAKUTHAMI 11:30

Jephthah no Ampeu lau ishi tushoqhi, “Nono Ammonmi I u lo sütsü aye,