YETSAPIU 4:1 - Sumi Naga CL (Re-edited) Bible (BSI)

¹ Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

BAIBEL (BSI)

¹ Itaghi ayeghiqhalo qoda kilekeu kumtsu ino ithulu acheni.Nedaqodape akeqo nhezu kipijilo khunomu panoqo lokughuno tsulu chemoe. Khunomu panoqo xaqhe chemoe kughengu panoqo nedaqoda akemino akuka pe acheni.

YETSAPIU 4:1 Iomraidhean Croise

JOB 16:4

Tsala nono I-a lo aghike aye, ni ghi o toi piluni che, atsa kivi chijepe nongu külaqhi eno I kütsü küngüpe nongu tsüni cheke.

JOB 35:9

“Nedaqoda keu ihulove kehu timi no ighamku cheni; akumtomi launo kuphu peniye pano no igha cheni.

JOB 6:29

I no qhüiniju anike achipikumo shikevi no tsüghü ighilo, kughengu I no akikhishi chekeu ye pühave mlae.

JOB 9:24

Ayeghi pesü küsaküghami u lo süvetsü cheni; Pa no küghaküthami nhethi kiyikhave tsücheni, Pa no kumo aye khuu no kea?

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 142:4

Ajeu jupuwo julo: khunomu ni ithulu amoe; I no ijekulupu kiumu kühae; khunomu I ngulho hiju amoe.

LESHELE 142:5

O Ampeu, I no O lau ighamku ani; I no pi, “küxümi yeghi lo No ye I küghütshü-a, I saje ke.”

LESHELE 42:3

Putho pucho kupuju I nhezü no I khuna shie, atsala kupuju panongu no I vilo pi, “O Lhou ye khile ani kea?”

LESHELE 42:9

I no I Lhou I tuqu vilo pi: “No ye kushiye I kümsümave ani kea? Kushiye I ghümi no I ghimeqhi keu ghenguno ni ye qanimlo ani kea?”

LESHELE 69:20

Piküptha no I mlo hepho tsü kehu ni ye amlo ghuju shi ani. Küpüqhiyi tsü peniye I no laju, ikemu khumu aghi moe, alokughuno tsü peniye kemu khumu ithumlae.

LESHELE 69:21

Achuqupu theli lo tüghü I tsü, eno I tüghü lo panongu no akiqhi ji sho peniye I tsüe.

LESHELE 80:5

Nono ningu pelo amlo ghime ghulhu ilhupe, eno anhezü kipiji jukhu chhitoi tsüno yepeke.

IPEKULU 1:16

“Kughou nokujo no apunu lüpa lo Hebrew totimi jukupununi keno, tsala kiptimi shi aghi aye, nokujo ye pa pithive masa, ikemu totimi shi aghi aye, li ye xülu nani.”

IPEKULU 1:22

Tithiu Pharaoh no paw timi kümtsü lau azah tsü, “Hebrewmi lau anu kiptimi punu keqo kümtsü nongu no Nile lo vesüve lo, ikemu anga totimi ye kümtsü püxülo.”

AHOLE 19:7

Kumlhomi ye pa thiküzümi no mithiuve cheni, imaye pa küsamiu ye kishita pa launo putosüve cheni kelae! Pa no qhüiniju pape chenamu panongu phulu chemoe.

AHOLE 28:3

Kumlhomi no kumlhomi nedaqoda keu ye mqhumza tsüghu ighi kelo axabo kütsa khave tsüke toie.

AHOLE 29:2

Amikuchomi no alau ikowo aye timi no alokivishi cheni, ikemu kixikilami no ayepe aye timi no muchho thuve cheni.

YETSAPIU 3:16

Tinguno alau, khetsünhe qholo I no hi ghi ithulue, achipiu-a lo, kixikila ghi aghi, eno kuchou-a lo küsakügha ghi aghie.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

YETSAPIU 7:7

Nedaqoda keu no alokütsümi pesü mbomzü shive cheni, eno külügho no amlo shipuqove tsücheni.

YETSAPIU 8:9

Ayeghi lo kiu shi ani keno I no tsaqüi phuju kelo hi kümtsü ithulu, ti ye kughou timi khami no kütami qhasüni keno, pano ghi alokughuno kühano acheni.

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

ISAIAH 51:23

Nongu nedaqoda chekemi eno Nongu vilo, ‘Ihozü lo, ningu no chesü wuni’ ipi chekeqo; eno nongu mqa no ayeghi ghüza momu alaghi toi shino panongu no chewu chekeqo lau I no izüvuive chekeu jukhu eno I loghu chithakhu tsüve nani.”

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

JEREMIYA 16:7

Khunomu asho süwo kithimi ghenguno mlo akemi lokughuno tsümo nani, pa puaza laumu alokughuno tsünike azü piyemo nani.

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

AKUMLO 1:17

Zion no au xachho, ikemu li lokughuno tsüni kemi kühae; Ampeu no Jacob kisüghüu pelo pa ghümi shipenike azah tsüvae; Jerusalem ye pano dolono niqhinilai keu lakhi shivae.

AKUMLO 1:2

Anhezü no li gimuchu lono qo ghi puthotsü li ye mloqa ani; li lomiqo dolo khunomu li lokughuno tsüni keu kühae; li küsami kümtsü no li pishiqhipe thechuvae; panongu ye li ghümi shivae.

AKUMLO 1:9

Li mithekumo ye li mini lo ani; li ye ighini keu tsala ghenguno kümsüju move; tigheno li vekiqhi ye kümsapuke; li ye aloinokütsüu kühae. “O Ampeu, I ghime julo, kughengu aghümi no toluvae!”

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

AMUS 3:9

Ashdod eno Egypt yeghi lo sükusho-aqo lau asheshu lo, eno pilo, “Samaria naghutoqo lo nongu hekütsülo, eno timiqo no shishe ighamku akeu, pano dolo nedaqoda kile akeu julo.”

MALAKI 2:13

Thime akiniu hipau nongu no shi ani. Nongu no ighamku eno qakeu nhezü kipiji vecheo Ampeu kümlla khache pütsü cheni, kughengu Pa no nongu kümllagho kihi tsüamo momu nongu u lono kimiyeqhiyi ti ikhilutsü amovae.

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 26:56

Ikemu tungkupmi no Kuchoyesü lo yepüa keu shikupu niye hi kümtsü shi ani.” Tileno akhopemi kümtsü no pa qhive no pove.

ZAKINIU 28:33

Nongu no akaveshi tüxatini mlaphe keu kümtsü nongu no ithimo keu shiye no luvetsü nani, eno nongu qodaqhi kijipüsa nani,

ZAKINIU 28:48

nongu ye amzü-atüghü, aphi kümsa, eno tüqütügha lono no ghümi, Ampeu no nongu lau puwu niye akemi qeuve nani. Pa no nongu kütsave moke kutolo ayi kuokhasü nongu pipe nani.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.