YETSAPIU 3:6 - Sumi Naga CL (Re-edited) Bible (BSI)

⁶ phukepu do, eno pühave kepu do; hekütsü kepu do, eno peve kepu do;

BAIBEL (BSI)

⁶ Pano qhipe puatsuake, phulukepu do eno puhave kepu do, hekutsukiyi kepu do eno peve kepu do,

YETSAPIU 3:6 Iomraidhean Croise

BOTHUBO 31:18

Pa no pa tsü-aqu, amheghi pa no ala shilu keqo, atsü-aqu pa no Paddan-aram lo pighi phelu keqo kümtsü hasasü Canaan yeghi lo papu Isaac lau wuveni ye kutove.

KUKAMI AKINIU 5:26

Ikemu pa no pi, “Timi huno paw khurkulu lono iqighi no o sasü kusholu kelo, I mlo ye o gholo wuke kumo keshea? Ti ye pisa ngo aphimini, olive ghutu ngo atsailu, ambe ngo amshitsü, aqemi ngo aqelimi luke ghuloki keshea?

KUKAMI AKINIU 7:15

Pama no Jordan kutolo wukelo alaghi kümtsü aphimini ngo aghünanu Syriami no poche kelono qhive keu ithulu. Pama no ideighi no akükau vilo pive.

KUKAMI AKINIU 8:9

Ikehu Hazael no Damascus lono mlaphe keu thime kivi sayeshi lhobidi xapipe no Elisha lau wu. Kughou Hazael no pa lau ighi no pa zülo puthugho keno, pa no pi, “O nu Ben-hadad Syria kükau no I puwu no pi ani, ‘Ni ye aküsü hipau lono viluve nanima?’”

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

YETSAPIU 11:1

O sho pesü azü lo vesüve lo, nono atsala kutomo thiuno ala pekütsülu nani.

YETSAPIU 3:5

atu peve kepu do, eno atu pekütsü kepu do; küvape kepu do, eno küvapemo kepu do;

YETSAPIU 3:7

süxü kepu do, eno pukho kepu do; inaqhoive kepu do, eno atsa pi kepu do;

ISAIAH 2:20

Tipani timiqo no pano sala mlakeu ghükayi ngo ameshoyi julho kümllaqo ikhipe jichukili ngo ashuqhaqo kungo-a lo peve nani,

JONAH 1:5

Tile zükilu sakichemi ye msave eno pütüta müzülo alhou lau ighamku. Zükilu kümthüni ke panoqo no anhemgha azüghi lo vesüve. Ikemu Jonah ye iqi zükilu chebo alou lo züchei ae.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

Apostolmi 27:19

Eno aküthüni ye panongu ampi no zükilu nhemgha ikhipe azüghi lo vesüve,

Apostolmi 27:38

Panongu no aghapiqi chuve kethiu, zükilu kho kümthü niye ashothi pesü azüghi lo vesüve.