YETSAPIU 12:1 - Sumi Naga CL (Re-edited) Bible (BSI)

¹ Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

BAIBEL (BSI)

¹ Nono lhothemi shiaphi lono oLhophe keu kumsulu lo, atsala kuzuqo sholumphi lono, ti ohaluveno nono “Niye akuxu azuzuvae” ipi nanike.

YETSAPIU 12:1 Iomraidhean Croise

BOTHUBO 39:2

Ampeu no Joseph gholo ae, eno pa ye tokulu shiuve, pa ye pa mpeu Egyptmi kilo ngove.

BOTHUBO 39:23

Joseph no ghatou shikeu vehu lo akughu kheu ye kiumu alomsü moe, kughengu Ampeu no pa gholo ake. Eno pa no kiu shi keno kümtsü lo Ampeu no tokulu shilupe ke.

SAMUEL AKINIU 19:35

Ishi tsala lono ni ye ampe lhotache shi ani. Ni ye kiu no alokiqipu eno kiu no kumo keno kimchi luni keshea? O qeu ye kiu chuni momu kiu shoni keno micheluni keshea? Ni ye itaghi kiptimi eno totimi alephemi sütsa chikulupu keshea? Tishiaye o qeu ye kushiye I mpeu akükau lau amakho alau veqabe tsüni kea?

SAMUEL AKINIU 19:36

O qeu ye akükau gholono Jordan vechesü alaghi kushuo kumo kutolo wuni. Ikemu kushiye akükau ye asaxü pesü I tsüchile amasa kea?

KUKAMI ATUGHIU 14:13

Israelmi kümtsü no pa ghenguno mloqa no pa shiqho nani, kughengu Jeroboam lagha lo pa likhi no Israel Lhou Ampeu mlo piqilu kehu pa sükumo likhi no shiqholu nani.

KUKAMI ATUGHIU 18:12

I no o launo wuve kemtsa Ampeu Ghungu no o khapesü I no mthake-a lo wuve nani. Ikehu ni o qeu ye I lhothe lono Ampeu sümsa ighive akemu, I no Ahab vilo ti pive no pa no o phumlave aye, pa ye I pithive niae.

NEHEMIA 4:14

I no jukuto apüzü ithu no sakiphemi eno hiyampemi ngo timi kümtsü vilo pi, “Panongu msa kevilo. Ampeu khuu no kije eno akümzapu keno, Pa kümsü lulo eno nongu thiküzümi, no tianuli, anipu, eno no kungo kiqo ghenguno aghü shilo.”

JOB 30:2

Panongu kumto ye kühave ake I ghenguno kiu shitsü luni kea?

LESHELE 119:55

Putho lo I no O je kümsülu cheni, O Ampeu, eno O yezah pape cheni.

LESHELE 34:11

Ighi lo, O anuliqo, I tsa inilo; I no Ampeu sükümsa nongu shikani.

LESHELE 63:6

I no I züa lono O kümsülu, eno putho mta lo O lau kümsüputho acheni;

LESHELE 90:10

Ni küxü mpe ye lhotsüni, momu mtotoi aghi namu lhotache; ikeghi aküxü süchedo ye aghime eno aveküsa likhie; paikhavi lono wove cheni, eno ningu ye yewuve cheni.

AHOLE 22:6

Achipiu laghi lono atianuli qophe puthulo, pa ye kichimi shive namu tipau lono tsüghüsü wuvemo nani.

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

YETSAPIU 11:10

O mlo lo kütakihi keu ikhive lo, eno o phimpi lono aküsü ikhive lo, kughengu alhothe küxü ghi adoue.

YETSAPIU 11:2

Ayeghi lo kiu nguküsa tsala ighini keno mtha kehu o chuqupu saje pesü timi tsüni momu tache mu tsülo.

YETSAPIU 11:8

Timi lakhi no ampe kutomo xülu aye, pa ye amlo kiqishi amasae; ikemu aküzü tsala no tinguno akushuu kepi ithi pelo. Tithiu ye kümtsü adoue.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

AKUMLO 3:27

Timi lakhi no pa lhothe lono kuokhasü xapu keu ye aloke.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

HOSIYA 7:9

Inaghami no pa kumto qhasü luvae ikemu pa ye ti ithi amoe; asa kümpa pa shou ikughi khavae, ikeghi pa ye tiumu ithi amoe.

Luke 1:15

kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani.

Luke 18:16

Ikemu Jisü no pa lau itimiqo kukütsü no pi, “Itimiqo pelo I lau ighi pelo, eno panongu lakha kevilo, kughengu Alhou yekipe ye hitoi keqo salae.

Ephesiami 6:4

Apunoqo, nongu tianuli mlo shikighide tsü kevilo, ikemu Ampeu no kütsü shika eno qophe chekeu ghola lono panongu saputhu lo.

ZAKINIU 8:18

Ampeu nongu Lhou kümsülu chelo, kughengu nongu pelo kinimi shilu penike aküka tsükeu ye Pa noke, tishikeu lono ishi tsala lo toi, Pa no nongu puasüqo sasü puloshoqhi shikeu shikupu niye ke.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

SAMUEL ATUGHIU 1:28

Tighenguno I no Ampeu lau ikhiphe tsüve ani. Pa no xüake tivilo pa ye Ampeu lau ikhiphe tsüvae.” Pa no tileno Ampeu mllae.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

SAMUEL ATUGHIU 2:18

Samuel no achinemi phimini pepuve no itimi lakhi shi Ampeu zülo achinemi kümla shiche.

SAMUEL ATUGHIU 2:26

Anu Samuel ye Ampeu zülo eno timi zülo ghi aphimpi kuchopu thuwuve.