YEKIKITHI ATUGHIU 4:10 - Sumi Naga CL (Re-edited) Bible (BSI)

¹⁰ Jabez no Israel Lhou lau ighamku pi, “O pelo I kümghatsü no I lughi pekhotsü, O u no alhoksa lono I süsho no I sache penishi, tishianguno aghime I lau ighi pemo niye ke.” Ikelo pa no kiu khu keno Alhou no pulotsüe.

BAIBEL (BSI)

¹⁰ Ikemu Jabez no Israil Lhou vilo inikhu. “Ikumgha tsulo Alhou eno ayeghi kutomo phuphelu pelo. Igholo alo, lhoksakugha eno kusukini ilauno putosu tsu alo.” Eno pano inikhu kehu toi Alhou no pa kumghatsue.

YEKIKITHI ATUGHIU 4:10 Iomraidhean Croise

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 12:8

Tilehi no pa no Bethel kipelau atoghi ghakhu lo iqesü wuve, eno Bethel no kulolau shi, Ai no kipelau shino pa phiki tshü. Eno pa no Ampeu lau akümlla-khache shiqhe no Ampeu je kue.

BOTHUBO 28:20

Tishino Jacob no ashoqhi shino pi, “Tsala Alhou no I gholo aye eno I no wu chekeu laghi hipau lo I süsho, eno achuqupu ngo aphimini pepu kepu I tsü aye,

BOTHUBO 28:21

tishianguno I pelo I pu kilo aloino ideighi lupe aye, Ampeu pesü I Lhou shini,

BOTHUBO 32:26

Timi huno pi, “I puwuve lo, kughengu atsala ye vü ipeghivae.” Ikemu Jacob no pi, “Nono I kümghatsü moaye ni ye o puwumoe.”

BOTHUBO 32:27

Eno pa no pi, “O je ye khuu kea?” Pa no khochile, “Jacob.”

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

YEKIKITHI ATUGHIU 16:8

O Ampeu shikimthilo; Pa je kulo; ashiayeqo pelo Pa kümla ithi pelo!

YEKIKITHI ATUGHIU 4:11

Shuhah thiküzüu Khelub no anu lakhi Mehir ithulu, Mehir nu Eshton.

YEKIKITHI ATUGHIU 4:9

Jabez ye pa thiküzümi nguno alau gihuküzüpu shi xüche; paza no ishi pi ghi pa je Jabez kutsü, “Kughengu I no aghimeshi pa punue.”

JOB 12:4

I küsami zülo ni ye azükutunupu shivae, Alhou ku kelo Pa no khochile tsüche, achipiu eno atiche kühakeu huye azükutunupu ilhouvae.

LESHELE 119:173

I kuphu kepu shi O u kutope ngo tsülo, kughengu I no O zakütsüqo kisheluvae.

LESHELE 121:7

Ampeu no alhoksa jeli kümtsü lono o süsholu nani Pa no o küxü püxü tsü nani.

LESHELE 145:19

Pa sümsa chekemi no kümsü pulo keu shikupu tsücheni; Pa no pano sütsa chilu no xalu cheni.

LESHELE 21:4

Pa no O vilo aküxü khue; Nono tipau pesü pa tsü, alhokupuju axüpushu tsüe.

LESHELE 51:12

Ow xakulu lokivi I tsüchile lo, eno pulopinyi keu ghungu pesü I choqhe tsülo.

LESHELE 51:8

I pelo alokivi ngo alokiqi chilu pelo; Nono aghi kubove tsükeqo pelo alovilu pelo.

LESHELE 55:16

Ikemu I no Alhou vilo inikhu, eno Ampeu no I xaluve nani.

LESHELE 65:2

O No khuu akighini chilutsü cheni keno, O lau timi kümtsü no ighi nani.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 99:6

Moses ngo Aaron ye Pa chinemi ke, Samuel ghi Pa je ku inikhu chekemi dolo lakhi ke. Panongu no Ampeu je ku, eno Pa no panoqo khochile.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

AHOLE 30:8

I launo pishikiqhi eno akimki tsa ikhipe putosüve tsülo; aqüagha na kinikülü namu I tsü kevilo; I no avehupu shi akeu qhemi achuqupu I tsülo,

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 41:17

‘Kughou kumlhomi ngo kühakemi no azü phuwu, eno azü kühave kehu, panongu kughoki no tüghüthi kelauno qhaiveni keno, Ni Ampeu no panongu khochiletsü nani. Ni, Israel Lhou ye khilemu panoqo qhivemo nani.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

MATTHEW 26:75

Eno Jisü no pikeu tsa Peter no kümsüchilelu, “Awudu no igha mphilo no ye ni mthae pi ghuthu küthü milive nani.” Peter no khalau ipeve no amloiju qae.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Luke 19:42

ghi pi, “Noghi lae, kiu no külashilu cheni keno ishi nomu nou no ithike aye lae! Ikemu itehi ye o launo küsüvae.

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 16:19

Nongu no aghokulu shiche keu ye kümtsü kighithi kehu ni ghi nongu shou amloqi cheni, ikemu ni ye nongu pelo kiu no akivi keno tipau lo alotsü kithelu eno alhoksa loye kiumu mthamithe keu shive penishie.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

SAMUEL ATUGHIU 1:17

Ikehu Eli no khochile, “Aloino wulo, Israel Lhou pelo nono Pa lau qhüiniju akeu khochiletsü peni.”

SAMUEL ATUGHIU 1:20

Ado achipi lono Hannah ye mishiluve no anu lakhi punu eno li no pa je Samuel kutsü, li no pi, “Kughengu Ampeu vilo I no pa khulue.”

SAMUEL ATUGHIU 1:26

Li no pi, “O I mpeu, no hi xüanike totimi khuu o zülo hile puthugho no Ampeu lau inikhu akeno ti huye ni ke.

SAMUEL ATUGHIU 1:27

Anu hipau ghenguno I no inikhu, eno I no qhüiniju ketoi Ampeu no I khochileve tsüae.