YEKIKITHI ATUGHIU 19:3 - Sumi Naga CL (Re-edited) Bible (BSI)

³ Ikemu Ammonmi kijemiqo no Hanun vilo pi, “David no o lau shikumto kütsümi puwu keu ye o pu gihuke ghenguno kepi no ye kümsü anio? Pa ghinimi hipaqo ye o peqhive nike pukujumi shisü xuju ighi anike kumo?”

BAIBEL (BSI)

³ Amunmi sakiphemiqo no akukau vilo pi, “David no pa tsapemi puwu no olopiqi kutsu tsa pi akeuye opu gihu keu ghenguno tishi anipi noye kumsu ani kesha? Moe, tishi moe! Pano timi hipaqo puwu akeuye niyeghi kiu toi ani kela phukide kuda juno pano hipau leluveniayeno puju puwu ani!”

YEKIKITHI ATUGHIU 19:3 Iomraidhean Croise

SAMUEL AKINIU 10:3

Ikemu Ammonmi sakiphemi no panongu mpeu Hanun vilo pi, “David no aloino kütsümi o lau puwuke ghenguno pa ye o pu gihu anie pi no ye kümsü anio? Pa ye ow mishighüna phuju eno ti puju ghi leveni ye pa qemi o lau puwu anike kumo keshea?”

YEKIKITHI ATUGHIU 19:2

David no pi, “Ni ye Nahash nu Hanun sasü akivishi xüni, kughengu papu no titoi I sasü xüe.” Tighenguno Hanun no papu ghenguno mlo akelo pa lovekughuno tsüniye David no pa tsapemi puwu. Ikehu panongu no akükau lovekughuno tsüniye Ammonmi yeghi lo ighie.

YEKIKITHI ATUGHIU 19:4

Ikehu Hanun no David ghinimiqo küghape amkhümhi miyeve tsü eno panoqo phiküzü achita lono tsathave tsüno puwuve,

XAKUTHAMI 18:2

Ikehu Danmi no pano timi dolono, ti ye Zorah lo ngo Eshtaol lono, amlo kumtomi pungu kishepe ayeghi kivi pujuwu pe. Panongu no pano pungu vilo pi, “Wuno ayeghi pujulo.” Panongu no Ephraim ato yeghi lo ighi eno Micah kilo ngolu.

SAMUEL ATUGHIU 29:4

Ikemu zatsümi no Achish ju amlo ideve no pa vilo pi, “Timi hipau puwove no pa kungo-a kutopüa tsükeu lo idewove pelo. Pa ye ni gholo aghüshiqa lo iqimo nani, tikumo aye pa ye aghüshiqa lono ni ghümi shive nosae. Kughengu pa ye niw timiqo kütsü pesü pa mpeu mlo chuluni keu nguno akiviu kütau kiu ani kea?

SAMUEL ATUGHIU 29:9

Achish no khochile, “I no ithi anike no ye I nhethe lo kungumi lakhi toi tukutiye kühae. Ikeghi Philistiami zatsümi no, ‘Pa ye ningu gholo no aghüshiqa lo wumo nani,’ ipivae.