YEKIKITHI ATUGHIU 11:3 - Sumi Naga CL (Re-edited) Bible (BSI)

³ Ikehu Israelmi layemi kümtsü no Hebron lo akükau lau ighi, eno David no tileno panongu sasü Ampeu zülono puloshoqhi shi. Panongu no Ampeu tsa Samuel vecheo tsükeu kiqi lono pa nukishepe Israelmi kükau shive.

BAIBEL (BSI)

³ Ike Israilmi sakiphemi kumtsu Hebron lo Akukau David lau wue. Pano panongu sasu akimthe shoqhi shie, panonguno teli pe pa nukisheluno paye Israilmi kukau shive, tiye Samuel vechewo AMPEU no tushoqhi puakehu toi ke.

YEKIKITHI ATUGHIU 11:3 Iomraidhean Croise

SAMUEL AKINIU 2:4

Judah timi no ighi eno tilau panongu no David pesü Judah shiaye shou akükau shi nukisheve. Kughou panongu no David vilo, “Jabesh-gilead lo timiqo no Saul kumo shiqhovae,” ipi keno,

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

SAMUEL AKINIU 5:5

Pa ye Hebron lo Judahmi shou ampe tsüni eno aqhi tsügho ayepe eno Israelmi ngo Judahmi kümtsü shou Jerusalem lono ampe shighi-küthü ayepelu.

KUKAMI AKINIU 11:17

Jehoiada no Ampeu eno akükau ngo timiqo dolo puloshoqhi shipe, ti ye panongu ye Ampeuw timi shinie pikeu shoqhi, eno akükau ngo timiqo dolo ghi shipe.

KUKAMI AKINIU 23:30

Pa qemiqo no Megiddo lono pa sükumo khurkulu lono xapusü Jerusalem lo ighi no tilau qhove eno timiqo no Josiah nu Jehoahaz sawo nukisheve no papu thisü luvepe.

YEKIKITHI ATUGHIU 11:10

Hipaqo no Davidw akumto ghüshitomi ke, panongu ye Ampeu no Israelmi vilo pikeu kiqi lono David pelo akükau shi penike Israelmi kümtsü gholo küqhano akumtoshi pa kucho shino choqhe tsüke.

YEKIKITHI AKINIU 23:3

Eno kümtsü no Ampeu ki lono akükau sasü puloshoqhi shive. Eno Jehoiada no pi, “Julo, akükau nu! Ampeu no David nuli ghenguno piqhi püake toi pa pelo ayepe pelo.

XAKUTHAMI 11:11

Ikehu Jephthah no Gilead lo sakiphemi sasü wuve, eno timiqo no pa pesü sakipheu shive. Jephthah no Mizpah lo Ampeu zülono pa kimji kümtsü pive.

SAMUEL ATUGHIU 11:15

Tighenguno timi kümtsü no Gilgal lo wuno tilau no Saul pesü Ampeu zülono akükau shivepe. Tilau no panongu no külakishi kümllagho pesü Ampeu lau aghashi, Saul eno Israelmi kümtsü no shishe alovilu.

SAMUEL ATUGHIU 15:28

Samuel no pa vilo pi, “Ishi no Ampeu no Israel kükaqha o launo kubove tsüae eno Pa no tipau pesü o kisüghüu lakhi o nguno akiviu tsüvae.

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

SAMUEL ATUGHIU 16:3

Aghakishi lo Jesse kusü lo, eno nono kiu shikepu keno I no o piyeni. I no khuu o lau shuphe tsüni keno nono I ghenguno pa nukisheni.”

SAMUEL ATUGHIU 23:18

Pama no Ampeu zülo puloshoqhi shi. Eno David ye Horesh lo ngove no Jonathan no aki lo wove.

SAMUEL ATUGHIU 28:17

Ampeu no I vilo pike toi o lau shivae, kughengu Ampeu no o u lono kükaqha kijethave tsüae eno tipau pesü o kisüghüu David tsüvae.