YEKIKITHI AKINIU 9:29 - Sumi Naga CL (Re-edited) Bible (BSI)

²⁹ Solomon no kütau kiu mla keno, hukuthu lono ashekha kutolo, tungkupu Nathan xülhe, Shilohmi Ahijah tungkuptsa, eno Nebat nu Jeroboam ghenguno Iddow kungunhetsü lo yepüani ke kumo keshea?

BAIBEL (BSI)

²⁹ Solomon wu xughili kutauqoye abothu lono ashekha kutolo hipaqolo yekithipe puani: Nathan Tungkupu Xughililo, Shilo lo Ahija no Tungpu shikeulo eno Tungkupu Ido wu Kungunhetsu Kakulo, tipaulo Israil lo Akukau Jeroboam yehkipe ghili ghi pipuani.

YEKIKITHI AKINIU 9:29 Iomraidhean Croise

SAMUEL AKINIU 12:1

Ampeu no David lau Nathan puwu. Pa no ighi no David vilo pi, “Aphughi lakhi lo timi kini ache, lakhi no kinimi eno lakhiu ye kumlhomi.

SAMUEL AKINIU 12:25

eno tungkupu Nathan vecheo atsape tsüpuwu. Ikehu Ampeu ghenguno, pa je Jedidiah kuvetsü.

KUKAMI ATUGHIU 1:8

Ikemu achineu Zadok ngo Jehoiada nu Benaiah, eno tungkupu Nathan ngo Shimei, Rei eno David ghüshitomi ye Adonijah gholo shimoe.

KUKAMI ATUGHIU 11:26

Ephraimmi Zeredah lo küami Nebat nu Jeroboam ye Solomon qeu, pa za ye Zeruah, li ye chimemi. Pa ghi Solomon hebide ithughi.

KUKAMI ATUGHIU 11:29

Ghulo lakhi Jeroboam no Jerusalem lono izüwu chekelo Shilohmi tungkupu Ahijah no pa sasü kusholu. Ahijah ye aphimini akithe pepuche eno pama likhi che.

KUKAMI ATUGHIU 14:2

Jeroboam no pa nipu vilo pi, “No ye Jeroboam nipu kepi ithi pemo kepushi o küsüuno no Shiloh lo tungkupu Ahijah khuu no I vilo ni ye timi hipaqo shou akükau shi nanie pi keno, pa lau wulo.

YEKIKITHI ATUGHIU 29:29

Akükau David kümla küghütha abothu lono ashekha kutolo, tipau gholono pa yekipe ghili, pa kumto, eno atüqhüdo kivi-küsa pa shou eno Israelmi ngo acheaxü ghakhuqo shou ikughi keu kümtsü tungkupu Samuel, Nathan, eno Gad noqow yekikithi lo ani.

YEKIKITHI AKINIU 10:2

Kughou Nebat nu Jeroboam no ti chilu keno (pa ye Solomon msano Egypt lo pove ke tikutolo tilau ake), pa no Egypt lono ideighi.

YEKIKITHI AKINIU 12:15

Akükau Rehoboam kümla küghütha kümtsü, abothu lono ashekha kutolo, tungkupu Shemaiah ngo Iddo pama yekikithi lo yepüani ke kumo keshea? Rehoboam ngo Jeroboam pama ye ishokibe aghü shiche.

YEKIKITHI AKINIU 13:22

Abijah kümla küghütha kütau, pa küxü eno pa tsapi ye tungkupu Iddo xülhe lo yepüani.