YEKIKITHI AKINIU 7:6 - Sumi Naga CL (Re-edited) Bible (BSI)

⁶ Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

BAIBEL (BSI)

⁶ Achinemi ye panongu pelo ngole pikeu alo puthugho eno panongu gizulo panoqo kudau ju ghi Levi laghano puthugho. Panoqoye Akukau David no tsukeu lebo jeli pesu AMPEU sheqhe eno “Pa kikimiye ye lhokta kutolo ke” ipikeu le phe ae, tiye David no huthuphe tsukeu toi shike. Achinemiqono afuko igha keulo timi kumtsu ghano puthughove.

YEKIKITHI AKINIU 7:6 Iomraidhean Croise

YEKIKITHI ATUGHIU 13:8

eno David ngo Israelmi kümtsü no alokivi shi Alhou zülo ahe-agho pephe ale phe, eno küghaküsü lebo, aheo, amqü, küghapayi ngo afuko küighasü che.

YEKIKITHI ATUGHIU 15:24

Shebaniah, Joshaphat, Nethanel, Amasai, Zechariah, Benaiah, eno Eliezer, achinemi hipaqo no Alhouw Puloshoqhi Bohu zülono afuko küighani keu shi. Obed-edom ngo Jehiah pama ghi Puloshoqhi Bohu khemi shipe.

YEKIKITHI ATUGHIU 16:34

Shikimthi keu Ampeu tsülo, kughengu Pa ye aloe; Pa kikimiye ye alholo mtotoi acheni!

YEKIKITHI AKINIU 23:18

Jehoiada no Ampeu kilo aghukhemi pelo ngokhe luvepe, tipaqo ye Moses Yezah lo yepüake toi Levi lagha lo achinemi ngo Levimi Ampeu lau ale phe alokivi kije lono akipti kümllagho tsü penike eno Ampeu kilo ampi shi penike David no süsü keqoke.

YEKIKITHI AKINIU 29:25

David ngo akükau tungkupu Gad eno tungkupu Nathan zakütsü kiqi lono pa no Levimi pelo küghapayi ngo akighilebo jeli pesü Ampeu kilo ngope, ayezah hi ye tungkupmi vecheo Ampeu launo ighike.

YEKIKITHI AKINIU 29:27

Tishino Hezekiah no akipti kümllagho tsü penike azah tsü. Akümllagho piti kemtsa Ampeu lau shekiqhe le phethuve eno afuko ngo Israel kükau David lebo ghi küigha thuve.

YEKIKITHI AKINIU 5:12

Levi lagha lo alephemi kümtsü, Asaph, Heman eno Jeduthun, ngo panongu nuli eno pano thiküzümi no phepheike phimini pepusü ajoshi küghapayi ngo aheo eno akighi lebo pesü, akümlla-khache phivilo kipela küdau, afuko küighami achinemi pano 120 gholo puthugho.

YEKIKITHI AKINIU 5:13

Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

YEKIKITHI AKINIU 7:3

Kughou Israelmi kümtsü no ami iqighi keu ngo achineki lo Ampeu juküvü ithulu keno, panongu no agi pishiqhope aghüza lo ngove no Ampeu mlla eno shikimthi ghi pi, “Pa ye aloe, kughengu Paw iqemokeu kikimiye ye alhokupuju acheni.”

YEKIKITHI AKINIU 7:5

Akükau Solomon no amshitsü 22,000 eno ambe lakh lakhi no qhethonhe muku pesü mllae. Hitoi akükau eno timi kümtsü no Alhou ki ikhiphe tsü.

EZRA 6:18

Eno Moses Kaku lo yepüake toi, panongu no Jerusalem lo Alhou kümlapu ghenguno achinemi ngo Levimi pesü panoqo lapha lo kijesüve tsü.

LESHELE 106:1

Ampeu sheqhelo! Shikimthi keu pesü Ampeu tsülo, kughengu Pa ye aloke, Paw iqemokeu kikimiye ye alholo acheni!

LESHELE 107:1

Shikimthi keu pesü Ampeu tsülo, kughengu Pa ye aloe, Paw iqemokeu kikimiye ye alhokupuju acheni!

LESHELE 138:8

Ampeu no I ghenguno Pa kimji shikupu tsü nani; O Ampeu, Ow iqemokeu kikimiye ye alholo acheni. O u no mla keqo pheve kevilo.

LESHELE 87:7

Alephemi ngo akighilhemi no ishi pi, “I züpuki kümtsü o lolo ani.”

ISAIAH 52:6

Tighenguno Iw timiqo ye I je ithipe nanie. Eno kihitha püatsü akeu tsala tolu kelo, I no pi ani kepi, panongu no ithi nani ke; Ni ye hile ani.”

AMUS 6:5

Nongu no akighilebo gholono akiqi küha keu le phe eno David toi ale jeli iqüe,

JOSHUA 6:4

Achinemi tsüni no afuko lakhikhi pesü Puloshoqhi bohu züu chewulo. Atsala akütsüniu loye, nongu no ghuthu tsüni homxani, tishino achinetomi no afuko ighani.