YEKIKITHI AKINIU 7:20 - Sumi Naga CL (Re-edited) Bible (BSI)

²⁰ I no I yeghi o tsü püakeu lono o hapheve nani eno aki khikhi I no I je ghenguno shikimthepe püani keno, ti ghi I zülono ikhive nani. Eno hipau pesü küghakiche tsa eno thoküghapu shivetsü nani.

BAIBEL (BSI)

²⁰ tileno ino nongu tsupua keu yeghi lono nongu ikhive nani eno imlla penike-a lakhi likhi ino shikimthe pesu ikhilu keu Achineki hipau ino qhive nani. Aqha kumtsulo timiqono hipau thaigha eno kutha kughapu shi hipau peitha nanike.

YEKIKITHI AKINIU 7:20 Iomraidhean Croise

KUKAMI ATUGHIU 14:15

aghoki lo amtübo sükini aketoi Ampeu no Israel ghime no ayeghi kivi khikhi pano puasüqo tsü keno, tileno panongu nhüpe Euphrates nguno hulau apanagha puwuve nani, kughengu panongu no Asherim mlakeu lono Ampeu mlo shikighide tsüke.

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

YEKIKITHI AKINIU 36:19

Panongu no Alhou ki pitive tsü, Jerusalem liwo hepholeve tsü, kükaki ngo akughupu bohu kümtsü pitive tsü.

LESHELE 44:14

Nono ni pelo shiyeqo tichetighepu shipe, ashiayeqo zükutunupu shivepe.

LESHELE 52:5

Ikemu Alhou no alhokupuju ghenguno o kütsave nani; o phiki lono Pa no o mxape süthave nani Pa no küxümi yeghi lono o nhüve nani.

JEREMIYA 12:17

Ikemu khuno shiye no ini moni keno, I no qhoi nhüpe kütsave nani, ipi Ampeu no sheshu.”

JEREMIYA 16:13

Tighenguno I no ayeghi hipau lono no eno o puasüqo no mthakeu yeghi lo küza puwuveni, eno tilauno putho pucho nono kütau lhouqo huthu nani, kughengu Ni ye I pulou o piye moae.’

JEREMIYA 18:7

Kugho kughomu shiye momu kükaqha lakhi I no nhüve, xaleqhive eno kütsaveni ke ghenguno kütüghü kelo,

JEREMIYA 22:8

“‘Shiye kutomo no mishighüna hipau vechewu kelo milakhi no pa kisüghüu vilo pi nani, “Ampeu ye kushiye mishighüna hipau shou hitoi mlave kea?”

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 31:28

Hitoi shinani, I no panongu nhüve, peve, xaleqhive, kütsaleve, eno aghüzapu süghi keu shou khekuto ketoi, I no panongu khekuto no shiqhe eno shosü tsünani ipi Ampeu no sheshu.

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 45:4

Ikemu Ampeu no ishi piani: Julo, I no shiqhe püakeu xaleqhive nani eno I no shosü püakeu nhüve nani.

EZEKEL 7:24

I no shiyeqo dolo alhoksau saghi no panoqo ki luvepe nani. I no akumtomi qheküza kishekhave tsü nani, eno panow akimthe-aqo ye shipixive nani.

AKIKIHI 32:15

Kughengu nongu no Pa pape move aye, Pa no itaghi timi hipaqo kümtsü asayeqha lo qhive nani, eno nongu no panoqo kütsave nanie.”

ZAKINIU 28:37

Ampeu no khile nongu puwuveni keno, ashiaye tipaqo gholo nongu ghili akümsapu, ahole, eno atichepu shi kügha nani.

ZAKINIU 29:28

Ampeu no Pa mlo kighide kije lono aghakhu hipau lono panongu nhüpe itehi ayeghi kütau panongu no akeu lo vesüve.’

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;